ଭୁବନେଶ୍ୱର : ଆଜି ହେଉଛି ଶ୍ରାବଣ ମାସର ପ୍ରଥମ ସୋମବାର । ତେଣୁ ବିଭିନ୍ନ ଶୈବପୀଠରେ କାଉଡିଆଙ୍କ ଜଳଲାଗି । ଶ୍ରୀଲିଙ୍ଗରାଜ, କପିଳାସ, ଧବଳେଶ୍ୱର ପୀଠରେ ଜଳଲାଗି । କାଉଡିଆଙ୍କ ଭିଡକୁ ଦୃଷ୍ଟିରେ ରଖି ବ୍ୟାପକ ବ୍ୟବସ୍ଥା । ଶ୍ରାବଣ ମାସରେ କାଉଡିଆମାନେ ମାନସିକ କରି ଶିବଙ୍କ ମସ୍ତକରେ ଜଳଲାଗି କରିଥାନ୍ତି । ପବିତ୍ର ନଦୀରୁ ଜଳ ଉଠାଇ ଶୈବପୀଠରେ ପହଞ୍ଚିଛନ୍ତି କାଉଡିଆ । ଜଳଲାଗି ପାଇଁ ଭୁବନେଶ୍ବର ଲିଙ୍ଗରାଜ ମନ୍ଦିରରେ ବ୍ୟାପକ ବ୍ୟବସ୍ଥା କରାଯାଇଛି । ସକାଳୁ ସକାଳୁ ବାବାଙ୍କ ନୀତିକାନ୍ତି ବଢିବା ପରେ ଧାଡ଼ିରେ ଯାଇ ଜଳଲାଗି କରିବେ କାଉଡି଼ଆ ।ବୋଲ୍ ବମ୍ ହରହର ବମ୍, ଓଁ ନମଃଶିବାୟ ଧ୍ୱନିରେ ଉଛୁଳି ଉଠୁଛି ସମସ୍ତ ଶୈବ ପୀଠ । ଶିବ ଭକ୍ତଙ୍କ ଗହଳି ଲାଗିଛି । ସେପଟେ ଆଜି ପ୍ରଥମ ସୋମବାର ଥିବାରୁ ପୁରୀ ବେଳାଭୂମିରେ ବାଲୁକଶିଳ୍ପୀଙ୍କ ଦ୍ବାରା ସୁନ୍ଦର ବାଲୁକା କଳା ନିର୍ମାଣ କରାଯାଇଛି । ଶିବଙ୍କ ବିଶାଳ ପ୍ରତିମୂର୍ତ୍ତି ସହ ଶିବଲିଙ୍ଗ ନିର୍ମାଣ କରିଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ।
