ଦୀର୍ଘ ସମୟ ପରେ ରଣବୀର ବଡ ପରଦାକୁ ଫେରିଛନ୍ତି । ତାଙ୍କ ପାଖରେ ଏବେ ବ୍ୟାକ୍ ଟୁ ବ୍ୟାକ୍ ଫିଲ୍ମ ଅଛି । ୪ ବର୍ଷ ପରେ ଏବେ ରିଲିଜ୍ ହୋଇଛି ଶମଶେରା । କିନ୍ତୁ ଏବେ ଜଣାପଡୁଛି କି ଫିଲ୍ମଟି ବକ୍ସ ଅଫିସ୍ରେ ଧମାଲ୍ କରି ପାରି ନାହିଁ। ଏହି ଚଳଚ୍ଚିତ୍ରଟି ଛଅ ଦିନରେ ମାତ୍ର ୩୮.୪୫ କୋଟି ଟଙ୍କା କଲେକସନ୍ କରିଛି। କୁହାଯାଉଛି କି ଫିଲ୍ମର କାହାଣୀ ସମସ୍ତଙ୍କୁ ନିରାଶ କରିଛି।
ଶ୍ୟାମଶେରା ଏକ ପିରିୟଡ୍, ଡ୍ରାମା-ଆକ୍ସନ୍ ଫିଲ୍ମ । ଏହାକୁ ନିର୍ଦ୍ଦେଶକ କରଣ ମଲହୋତ୍ରା ୧୫୦ କୋଟି ଟଙ୍କା ବଜେଟ୍ରେ ନିର୍ମାଣ କରିଥିଲେ। ଏହା ସାରା ଦେଶରେ ୪୩୫୦ ପରଦାରେ ରିଲିଜ୍ ହୋଇଥିଲା। କିନ୍ତୁ ପରିସ୍ଥିତି ଏପରି କି ଏହା ତିନି ଦିନ ପରେ ମଧ୍ୟ ହଲ୍ରେ ମଧ୍ୟ ଧମାଲ୍ କରିପାରି ନାହିଁ। ବୁଧବାର ଷଷ୍ଠ ଦିନରେ ସାରା ଦେଶରେ ୨.୧୦ କୋଟି ଟଙ୍କା କଲେକସନ୍ କରିଛି।
ତେବେ ଫିଲ୍ମଟି ପ୍ରଥମ ଦିନରେ ୧୦ କୋଟି ଟଙ୍କା ବ୍ୟବସାୟ କରିଥିଲା। ଆଶ୍ଚର୍ଯ୍ୟର କଥା ହେଉଛି, ପ୍ରଥମ ସପ୍ତାହରେ ଏହି ଫିଲ୍ମର କଲେକସନ୍ରେ ବିଶେଷ କିଛି ବୃଦ୍ଧି ହୋଇ ନାହିଁ । ରିଲିଜ୍ ହେବାର ଦ୍ବିତୀୟ ଦିନରେ ୧୦କୋଟି ଏବଂ ରବିବାର ଦିନ ୧୧ କୋଟି ବ୍ୟବସାୟ କରିଛି। ସୋମବାର ଅର୍ଥାତ୍ ଚତୁର୍ଥ ଦିନରେ ୨.୮୫ କୋଟି କରିବାବେଳେ ମଙ୍ଗଳବାର ୨.୫୦ କୋଟିରେ ପହଞ୍ଚିଛି। କିନ୍ତୁ ବୁଧବାର ଦିନ ୨.୧୦ କୋଟି କରିଛି। ଏଥିରୁ ଜଣାପଡୁଛି ଫିଲ୍ମଟି ଫ୍ଲପ୍ ହେବା ସହ ଅନେକ କ୍ଷତି ସହିବାକୁ ପଡିବ । ଆଶା କରାଯାଉଛି କି ଏହା ୫୦ କୋଟି ଛୁଇଁବ କି ନାହିଁ ।
