ଭୁବନେଶ୍ୱର : ଲୋୟର ପିଏମଜିରେ ଧାରଣାରେ ମିଶନ ଶକ୍ତି ମହିଳା । ନିଖିଳ ଓଡିଶା ଜୀବିକା ମିଶନ ଇସି ସଂଘ ପକ୍ଷରୁ ରାଜରାସ୍ତାରେ ଅହୋରାତ୍ର ଧାରଣାରେ ବସିଛନ୍ତି ମିଶନ ଶକ୍ତି ମହିଳା । ଇସି ସଦସ୍ୟଙ୍କ ରିଷ୍ଟ୍ରକଚରିଂ ନିର୍ଦ୍ଦେଶନାମା ପ୍ରତ୍ୟାହାର ଓ ସ୍ଥାୟୀ ନିଯୁକ୍ତି ଦାବିରେ ଏହି ବିକ୍ଷୋଭ କରାଯାଉଛି । ଅନ୍ୟପଟେ ଏ ମାନଙ୍କୁ ଛ’ ମାସ ହେଲା ବକେୟା ଦରମା ମିଳିନଥିବା ନେଇ ସେମାନେ ଅଭିଯୋଗ କରିଛନ୍ତି । ସଂଘର ଅଭିଯୋଗ ଅନୁଯାୟୀ, ଏନଏଲଆରଏମ ଅଧୀନରେ ଓଡ଼ିଶା ଜୀବିକା ମିଶନ ଓ ମିଶନ ଶକ୍ତିରେ ବିଗତ ୩ ବର୍ଷରୁ ୨୫ ବର୍ଷ ଧରି ଲକ୍ଷାଧିକ ଏକଜିକ୍ୟୁଟିଭ କମିଟି-ଇସି ସଦସ୍ୟା କାର୍ୟ୍ୟ କରୁଛନ୍ତି । ପୁନର୍ଗଠନ ଆଳରେ ଏମାନଙ୍କୁ ବାହାର କରିବା ପାଇଁ ସରକାରଙ୍କ ପକ୍ଷରୁ ଦୁଇଟି ନିର୍ଦ୍ଦେଶନାମା ଜାରି ହୋଇଛି । ସରକାରଙ୍କ ପକ୍ଷରୁ ଜାରି ନୂଆ ଗାଇଡଲାଇନ ଫଳରେ ରାଜ୍ୟରେ କାର୍ୟ୍ୟରତ ଲକ୍ଷାଧିକ ଇସି ସଦସ୍ୟା ଓ ୬ ଲକ୍ଷ ମହିଳା ସ୍ବୟଂ ସହାୟିକା ଗୋଷ୍ଠୀର ସଭାପତି, ସଂପାଦକ , ସିଆରପି ଓ ଏମବିକେମାନେ ଚାକିରି ହରାଇବେ ।
