ଭୁବନେଶ୍ୱର : ରାସ୍ତାକଡରେ ଔଷଧ ପଡିଥିବା ଘଟଣାରେ ବାଲେଶ୍ୱର ସିଡିଏମଓଙ୍କ ପ୍ରତିକ୍ରିୟା । ସ୍ଥିତି ଅନୁଧ୍ୟାନ ପାଇଁ ସ୍ୱାସ୍ଥ୍ୟ ବିଭାଗର ଏକ ଟିମ ଘଟଣାସ୍ଥଳକୁ ଯାଇଛି । ମେଡିକାଲ ଅଫିସରଙ୍କ ସହ ଏକ ଟିମର ଘଟଣାସ୍ଥଳରେ କରୁଛି ତଦନ୍ତ । ଯେଉଁ ସରକାରୀ ଅଧିକାରୀ ସମ୍ପୃକ୍ତ ଅଛନ୍ତି ସେମାନଙ୍କ ବିରୁଦ୍ଧରେ ଆକ୍ସନ ନିଆଯିବ ବୋଲି କହିଛନ୍ତି ସିଡିଏମଓ ।
ସୂଚନାଅନୁସାରେ ଲେଶ୍ଵର ରେମୁଣା ବ୍ଲକ ଶ୍ରୀଜଙ୍ଗ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଠାରୁ ମାତ୍ର କିଛି ଦୂରରେ ତୁଣ୍ଡରା ରାସ୍ତାପାର୍ଶ୍ବରେ ଦେଖିବାକୁ ମିଳିଛି ଏଭଳି ଦୃଶ୍ୟ । ରାସ୍ତାପାଖ ଅଳିଆ ଗଦାରେ ପଡିଛି ଅବଧି ସରିନଥିବା ଔଷଧ । ଗୋଟିଏ କି ୨ ପ୍ୟାକେଟ ନୁହେଁ ଶହ ଶହ ପ୍ୟାକେଟ ସରକାରୀ ଆଇରନ ଓ ଫଲିକ ଏସିଡ ମେଡିସିନ ପଡିରହିଛି । ନିକଟରେ ଥିବା କୌଣସି ସ୍ବାସ୍ଥ୍ୟକେନ୍ଦ୍ରରୁ ଏହି ମେଡିସିନଗୁଡ଼ିକୁ ଫିଙ୍ଗା ଯାଇଥିବା ସନ୍ଦେହ କରାଯାଉଛି । ଏସବୁ ଔଷଧର ଏକ୍ସପାଏରୀ ରହିଛି ୨୦୨୬ ପର୍ୟ୍ୟନ୍ତ । ରୋଗୀମାନଙ୍କୁ ମାଗଣା ଦିଆଯିବାକୁ ଥିବା ଔଷଧ । ତେବେ କିଏ ଆଣି ଏତେ ପରିମାଣରେ ମେଡିସିନ ଫିଙ୍ଗିଛି ତାକୁ ନେଇ ପ୍ରଶ୍ନ ସୃଷ୍ଟି ହୋଇଛି ।
