ତାମିଲନାଡୁ : ରାଗିଂ କରିବା ପଡିଲା ମହଙ୍ଗା । କୋଏମ୍ବଟୁରରେ ପିଏସଜି କଲେଜ ଅଫ୍ ଟେକ୍ନୋଲୋଜିର ସାତ ଜଣ ଛାତ୍ରଙ୍କୁ ର୍ୟାଗିଂ କରିବା ପଡିଲା ମହଙ୍ଗା । ଯାହାସୂଚନା ମିଳିଛି ଏହି କଲେଜରେ ପଢୁଥିବା ଦ୍ଵିତୀୟ ବର୍ଷର ୭ ଜଣ ଛାତ୍ର ସେହି କଲେଜରେ ପଢୁଥିବା ଜଣେ ଜୁନିୟର ଛାତ୍ରଙ୍କୁ ର୍ୟାଗିଂ କରିଥିଲେ । ସେମାନେ ଜୁନିୟର ଛାତ୍ରଟିକୁ ର୍ୟାଗିଂ କରିବା ସହିତ ଲଣ୍ଡା କରିଦେଇଥିଲେ । ତେବେ ଏହି ଘଟଣା ସାମ୍ନାକୁ ଆସିବା ପରେ ପୋଲିସ୍ ତଦନ୍ତ କରି ଉକ୍ତ ୭ ଛାତ୍ରକୁ ଗିରଫ କରିଛି । ପୋଲିସ୍ କହିବା ମୁତାବକ ଅଭିଯୁକ୍ତ ୭ ଜଣ ଛାତ୍ର ଏହି ର୍ୟାଗିଂ ଘଟଣା ସାମିଲ୍ ଥିଲେ ଏବଂ ସେମାନେ ମଦ କିଣିବା ପାଇଁ ପୀଡିତ ପ୍ରଥମ ବର୍ଷ ଛାତ୍ରକୁ ଟଙ୍କା ମାଗୁଥିଲେ । ଯାହାଫଳରେ ଛାତ୍ରଟି ଟଙ୍କା ନଦେଇପାରିବାରୁ ସେମାନେ ତାକୁ ଲଣ୍ଡା କରିଦେଇଥିଲେ ।
