ବ୍ୟୁରୋ : ବିବାହ ବନ୍ଧନରେ ବାନ୍ଧି ହୋଇଛନ୍ତି ପପୁଲାର କପଲ ରକୁଲ ପ୍ରୀତ ସିଂ ଏବଂ ଜ୍ୟାକି ଭାଗନାନୀ । କାଲି ଅର୍ଥତ୍ ଫେବୃଆରୀ ୨୧ରେ ସେମାନଙ୍କର ବିବାହ ହୋଇଛି। ଲୋକମାନେ ଦିନସାରା ଏହି ହାଇ ପ୍ରୋଫାଇଲ୍ ବିବାହର ଫଟୋକୁ ଅପେକ୍ଷା କରିଥିଲେ। ବର୍ତ୍ତମାନ ଏହି ଅଭିନେତ୍ରୀ ତାଙ୍କ ଫ୍ୟାନ୍ସଙ୍କ ସହ ତାଙ୍କ ବିବାହର କିଛି ଫଟୋ ସେୟାର କରିଛନ୍ତି । ଏହା ପରେ ଫ୍ୟାନ୍ସ ମାନେ ସେମାନଙ୍କୁ ଶୁଭେଚ୍ଛା ଜଣାଇଥିଲେ । ବିବାହ ଫଟୋରେ ରକୁଲ ପ୍ରୀତ ସିଂ ଏବଂ ଜ୍ୟାକି ଭାଗନାନୀଙ୍କ ସୁଖକୁ ସ୍ପଷ୍ଟ ଭାବରେ ଦେଖିପାରିବେ । ରକୁଲ ଏକ ପେଷ୍ଟେଲ ପିଙ୍କ୍ କଲରର ଲେହେଙ୍ଗା ପିନ୍ଧିଥିବାବେଳେ ଜ୍ୟାକି ଏକ କ୍ରିମ କଲର ଶେରୱାନିରେ ଦେଖିବାକୁ ମିଳିଥିଲେ । ଏହି ଦମ୍ପତି ନିଜ ପୋଷାକ ସହିତ ମ୍ୟାଚ୍ ହେଉଥିବା ଭଳି ପିଙ୍କ୍ ଫୁଲର ଫୁଲମାଳ ପକାଇଛନ୍ତି । ରକୁଲ ପ୍ରୀତ ସିଂ ଏବଂ ଜ୍ୟାକି ଭାଗନାନୀ ଉଭୟ ପଞ୍ଜାବୀ ରୀତିନୀତି ଅନୁଯାୟୀ ବୁଧବାର ଗୋଆରେ ବିବାହ କରିଥିଲେ ଏବଂ ସନ୍ଧ୍ୟାରେ ଉଭୟ ହିନ୍ଦୁ ଧର୍ମ ଅନୁଯାୟୀ ବିବାହ କରିଥିଲେ । ଗୋଆରେ ହୋଇଥିବା ଏହି ବିବାହରେ ଅନେକ ବଲିଉଡ ଷ୍ଟାର ଯୋଗ ଦେଇଛନ୍ତି ।
