ଉମରକୋଟ : ମାସକର ଛୁଆକୁ ୪୦ରୁ ଅଧିକ ଚେଙ୍କ । ଚନ୍ଦାହାଣ୍ଡି ଗମ୍ଭାରିଗୁଡା ପଞ୍ଚାୟତ ଫୁଣ୍ଡେଲପଡା ଗାଁର ଘଟଣା । ଅସୁସ୍ଥ ହେବାରୁ ମାସକର ଛୁଆକୁ ଚେଙ୍କ ଦେଲେ ବାପାମା । ପେଟ ଓ ମୁଣ୍ଡରେ ୪୦ରୁ ଅଧିକ ଚେଙ୍କ ଦିଆଯାଇଥିବା ସୂଚନା । ଗୁରୁତର ଅବସ୍ଥାରେ ଶିଶୁଟିକୁ ଉମରକୋଟ ମେଡିକାଲ ଭର୍ତ୍ତି । ଯନ୍ତ୍ରଣାରେ ହସପିଟାଲ ବେଡରେ ପଡି ରହି ଛଟପଟ ହେଉଛି। ଏଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ଉପଖଣ୍ଡ ଚିକିତ୍ସାଳୟରେ। ଚନ୍ଦାହାଣ୍ଡି ବ୍ଲକ ଗମ୍ଭାରୀଗୁଡା ପଞ୍ଚାୟତ ଫୁଣ୍ଡେଲପଡା ଗାଁର ସରୋଜ କୁମାର ନାୟକଙ୍କ ମାସକର ପୁଅର ପେଟ ଓ ମୁଣ୍ଡରେ ୪୦ରୁ ଉର୍ଦ୍ଧ୍ବ ଚେଙ୍କ ଦିଆଯାଇଛି । ପରିବାର ଲୋକେ ଶିଶୁଟିକୁ ଗୁରୁତର ଅବସ୍ଥାରେ ଉମରକୋଟ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିତିଲେ। ତେବେ ବର୍ତ୍ତମାନ ଶିଶୁଟିର ସ୍ବାସ୍ଥ୍ୟବସ୍ଥା ଭଲ ଅଛି। ଶୀଘ୍ର ସୁସ୍ଥ ହୋଇ କିପରି ଘରକୁ ଫେରିବ ସେନେଇ ଚେଷ୍ଟା ଚାଲିଥିବା କହିଛନ୍ତି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ।
