ନୂଆଦିଲ୍ଲୀ : ବିମାନ ମଝି ରାସ୍ତାରେ ଏମିତି ଏକ ଅଘଟଣ ଘଟିଯାଇଛି, ଯାହା ଫଳରେ ବିମାନକୁ ଜରୁରୀକାଳୀନ ଲାଣ୍ଡିଂ କରିବାକୁ ବାଧ୍ୟ ହୋଇଛନ୍ତି ପାଇଲଟ । ଯିବା ବାଟରେ ବିମାନ ଭିତରେ ହିଁ ଜଣେ ଯାତ୍ରୀଙ୍କର ମୃତ୍ୟୁ ହୋଇଛି । ତେଣୁ ରାଜଧାନୀ ଦିଲ୍ଲୀରୁ ବାହାରି ଦୋହା ଅଭିମୁଖେ ଯାତ୍ରା ଆରମ୍ଭ କରିଥିଲା ଇଣ୍ଡିଗୋ ବିମାନ । ଦୋହାରେ ପହଞ୍ଚିବା ପୂର୍ବରୁ ଫ୍ଲାଇଟକୁ ଅବତରଣ କରାଯାଇଛି ।
ସୂଚନା ମୁତାବକ, ଇଣ୍ଡିଗୋ ୬ଇ-୧୭୩୬ ଫ୍ଲାଇଟ ଦିଲ୍ଲୀରୁ କତରର ଦୋହା ଅଭିମୁଖେ ଟେକ୍-ଅଫ୍ କରିଥିଲା । କିନ୍ତୁ ହଠାତ୍ ନାଇଜେରିଆର ଜଣେ ଯୁବକଙ୍କ ସ୍ୱାସ୍ଥ୍ୟାବସ୍ଥା ବିଗିଡିବାରୁ ଚିକିତ୍ସା ପାଇଁ ଇମରଜେନ୍ସି ଲାଣ୍ଡିଂ କରାଇଛି ଏହି ବିମାନ । କିନ୍ତୁ ଲାଣ୍ଡି ପରେ ଏୟାରପୋର୍ଟର ମେଡିକାଲ ଟିମ୍ ଯାତ୍ରୀଙ୍କୁ ମୃତ ଘୋଷଣା କରିଛି । ପାକିସ୍ତାନ ନାଗରିକ ଉଡ୍ଡୟନ ପ୍ରାଧିକରଣ(ସିଏଏ) ଏବଂ ରାଷ୍ଟ୍ରୀୟ ସ୍ୱାସ୍ଥ୍ୟ ସଂସ୍ଥାନ, ଇସଲାମାବାଦ(ଏନଆଇଏଚ)ର ଡାକ୍ତରମାନେ ଯାତ୍ରୀଙ୍କୁ ମୃତ୍ୟୁକୁ ନେଇ ସ୍ପଷ୍ଟ ସୂଚନା ଦେଇଛନ୍ତି ।
