କଣ୍ଟାବାଞ୍ଜି : ଭୁଲ ଇଞ୍ଜେକସନ ଯୋଗୁଁ ରୋଗୀଙ୍କ ଜୀବନ ଯାଇଥିବା ଅଭିଯୋଗ ହୋଇଛି । ତୁରେକେଲା ଥାନା ମହୁଲପାଟି ଗାଁରେ ଅଭାବନୀୟ ଘଟଣା । ଗୋଡ ହାତରେ ଯନ୍ତ୍ରଣା ହେବାରୁ ମେଡିକାଲରେ ଭର୍ତ୍ତି ହୋଇଥିଲେ । ଜଣେ କ୍ଵାକଙ୍କ ଇଞ୍ଜେକ୍ସନରେ ପୁଣି ଜଣେ ମହିଳାଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତ ମହିଳା ଜଣକ ହେଲେ ତୁରେକେଲା ଥାନା ମହୁଲପାଟି ଗାଁର ଭଗବାନୀ ପୁଟା । ଏନେଇ ପରିବାର ବର୍ଗ ତୁରେକେଲା ଥାନାରେ ଏକ ଲିଖିତ ଅଭିଯୋଗ କରିବା ସହିତ କ୍ୱାକ ରଂଜିତ ମେହେର ନାଁରେ ଗିରଫ ଦାବି କରି ଏତଲା ଦେଇଥିବା ଜଣାପଡିଛି । ତେବେ କ୍ୱାକ ଦେଇଥିବା ଇଞ୍ଜେକ୍ସନକୁ ପରିବାର ଲୋକେ ରଖି ଥାନାର ଦ୍ୱାରସ୍ତ ହୋଇଛନ୍ତି । ତେବେ ପୂର୍ବରୁ ମଧ୍ୟ ଏହି କ୍ୱାକ ଯୋଗୁ ୨ଜଣଙ୍କ ଜୀବନ ଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି । ତୁରେକେଲା ପୋଲିସ ମରଶରୀର ଜବତ କରି ଅଧିକ ତଦନ୍ତ ଆରମ୍ଭ କରିଛି ।
