ବିଲକୁ ଖସିଲା ବସ୍ : ୩ ଆହତ

ବାରିପଦା : ବିଲ ଭିତରକୁ ପଶିଗଲା ଯାତ୍ରୀବାହୀ ବସ । ୩ ଜଣ ଆହତ ।ଏନଏଚ-୧୮ର ରାଗଦା ଛକରେ ଭାରସାମ୍ୟ ହରାଇ ରାସ୍ତାରୁ ଖସିଲା । ବସଟି ଅମର୍ଦ୍ଦାରୁ ବାରିପଦା ଆସୁଥିଲା । ବସରେ ୩୦ରୁ ଉଦ୍ଧ୍ୱର୍ ଯାତ୍ରୀ ଥିଲେ । ସୂଚନା ମୁତାବକ ଓଆର-୧୧କେ- ୩୪୫୧ ନମ୍ବର ବିଶିଷ୍ଟ ଶ୍ରୀଜଗନ୍ନାଥ ନାମକ ଏକ ଘରୋଇ ବସ ରାସଗୋବିନ୍ଦପୁର ଷ୍ଟେସନ ଅମର୍ଦାରୁ ଦାନ୍ତିଆମୁହାଁ ହୋଇ ବାରିପଦା ଆସୁଥିଲା। ତେବେ ରାଗ୍ଧା କଲେଜଛକରୁ ବସ ଛାଡିବାର ଅନତି ଦୂରରେ କୌଣସି କାରଣରୁ ବସ ଉପରୁ ଚାଳକ ନିୟନ୍ତ୍ରଣ ହରାଇ ବସିବାରୁ ଭାରସାମ୍ୟ ହରାଇ ବସଟି ଜାତୀୟ ରାଜପଥରୁ ପ୍ରାୟ ୭୦ଫୁଟ ତଳକୁ ଖସି ଏକ ପାଣି ନାଳ ଭିତରେ ପଶି ଅଟକି ଯାଇଥିଲା ।