ଭୁବନେଶ୍ୱର ; ବିଜେଡି ସଭାପତିଙ୍କ ନାମ ଘୋଷଣା ବେଳେ ପ୍ରମୁଖ ନେତା ଅନୁପସ୍ଥିତ । ରଣେନ୍ଦ୍ର ପ୍ରତାପ ସ୍ୱାଇଁ, ପ୍ରଫୁଲ୍ଲ ମଲ୍ଲିକଙ୍କୁ ଦେଖିବାକୁ ମିଳିନି । ଶଶି ବେହେରା, ଭୂପିନ୍ଦର ସିଂ, ନିରଞ୍ଜନ ବିଶି ଅନୁପସ୍ଥିତା ସନାତନ ମହାକୁଡ, ସୁଲତା ଦେଓ,ସସ୍ମିତ ପାତ୍ରଙ୍କ ଦେଖା ମିଳିନି । କେଉଁ ପରିସ୍ଥିତିରେ ଏହି ବିଶେଷ ମୁହୂର୍ତ୍ତରେ ନ ଥିଲେ ସ୍ପଷ୍ଟ ହୋଇନି ।
ଅନ୍ୟପଟେ ଶଙ୍ଖ ଭବନ ନ ଆସିବା ନେଇ ବରିଷ୍ଠ ନେତା ପ୍ରଫୁଲ୍ଲ ମଲ୍ଲିକଙ୍କ ପ୍ରତିକ୍ରିୟା । ଷ୍ଟେଟ କାଉନସିଲ ବୈଠକକୁ ମୋତେ ଡକାଯାଇ ନାହିଁ । ମୋତେ ଡାକି ନାହାନ୍ତି , ମୁଁ ଯାଇନି । କାହିଁକି ଡାକିଲେଣି ଜାଣିନି । ପୂର୍ବରୁ ଷ୍ଟେଟ କାଉନସିଲ ବୈଠକ ହେଲେ ଡକାଯାଇଥାଏ । ଦଳ ସହିତ ମୁଁ ରହିଛି , ଚକ୍ରାନ୍ତ କଥା ମୁଁ ଜାଣିନି ।
ଶଙ୍ଖଭବନ ନ ଆସିବା ନେଇ ବରିଷ୍ଠ ନେତା ଶଶି ବେହେରା ପ୍ରତିକ୍ରିୟା ଦେଇଛନ୍ତି । ମୋତେ ଡକାଯାଇନି, ଯିଏ ଡାକି ନାହାନ୍ତି ସିଏ କହିପାରିବେ । ଯିଏ ଦଳର ସାଂଗଠନିକ କଥା କହୁଛନ୍ତି କହିପାରିବେ । ବାହ୍ୟ ଶକ୍ତି ମନ୍ତବ୍ୟ ପ୍ରସଙ୍ଗରେ ମଧ୍ୟ ରଖିଲେ ପ୍ରତିକ୍ରିୟା । ନବୀନଙ୍କୁ ବାହ୍ୟ ଶକ୍ତି ଦୁର୍ବଳ କରିବାକୁ ଚାହିଁଲେ ପ୍ରତିହତ କରିବୁ କହିଲେ । ଏହା କଣ ଭୁଲ ମନ୍ତବ୍ୟ ଥିଲା କି ବୋଲି କହିଲେ । ମୁଁ କେବେ ଦଳବିରୋଧୀ କାମ କେବେ ଜୀବନରେ କରିଛି ବିଚାର କରିପାରୁନି । ଦଳରେ ସର୍ବଦା ମୁଁ ଜଣେ ଶୃଙ୍ଖଳିତ କର୍ମୀ ।
