ମୁମ୍ଵାଇ ୦୪।୧୧: ବିଟାଉନ୍ରେ ହ୍ରିତିକ ରୋଶନ ଏବଂ ସବା ଆଜାଦଙ୍କ ସମ୍ପର୍କକୁ ନେଇ ଖୁବ୍ ଚର୍ଚ୍ଚା। ଏହା କାହାକୁ ଅଛପା ନାହିଁ। ଦୁହେଁ ଏକାଠି ବହୁତ ଭଲ ସମୟ ଅତିବାହିତ କରୁଛନ୍ତି। ଏହାର ଝଲକ ମଧ୍ୟ ସୋସିଆଲ ମିଡିଆରେ ଦେଖିବାକୁ ମିଳେ। ନିକଟରେ ସବା ହ୍ରିତିକ ରୋଶନଙ୍କ ସହ ତାଙ୍କ ଜନ୍ମଦିନ ପାଳନ କରିଥିଲେ। ଯାହାର ଫଟୋ ଖୁବ୍ ଭାଇରାଲ୍ ହେବାରେ ଲାଗିଛି।
୨ନଭେମ୍ବରରେ ହ୍ରିତିକ ରୋଶନଙ୍କ ଗର୍ଲଫ୍ରେଣ୍ଡ ସବା ଆଜାଦଙ୍କ ଜନ୍ମଦିନ ଥିଲା। ଏହି ଅବସରରେ ହ୍ରିତିକ ମଧ୍ୟ ତାଙ୍କ ପାଇଁ ସ୍ଵତନ୍ତ୍ର ପୋଷ୍ଟ ସେୟାର କରିଥିଲେ। ସବା ତାଙ୍କ ଜନ୍ମଦିନର ଲୁକ୍ ମଧ୍ୟ ସେୟାର କରିଛନ୍ତି। ସେଥିରେ ସବା ଏକ ପୁଷ୍ପଗୁଚ୍ଛ ଧରିଥିବା ବେଳେ ହ୍ରିତିକଙ୍କୁ ଆଲିଙ୍ଗନ କରୁଛନ୍ତି । ଦୁହେଁ ଏକାଠି ଶୋଇ ସୂର୍ଯ୍ୟଙ୍କ କିରଣକୁ ଉପଭୋଗ କରିବା ସହ ସବା କେକ୍ କାଟିଥିବାର ନଜର ଆସିଛନ୍ତି।ଏହା ବ୍ୟତୀତ ସବା ଶେଷରେ କ୍ୟାପସନରେ ଲେଖିଛନ୍ତି ଯେ ସେ ତାଙ୍କ ଜନ୍ମଦିନକୁ ଶାନ୍ତିରେ ପାଳନ କରିବାକୁ ପସନ୍ଦ କରନ୍ତି। ସେ ଏହି ଦିନ କୌଣସି ବିଶେଷ ରୋମାଞ୍ଚକର କାର୍ଯ୍ୟ କରନ୍ତି ନାହିଁ । ମୋର ମନେ ନାହିଁ ଯେ ଏହା କେବେ ଘଟିଲା କିନ୍ତୁ ଏହି ଦିନ ସେ କିଛି ଭଲ ଶିଖିବାକୁ, ମନକୁ ଶାନ୍ତି ଦେବାକୁ କରିବାକୁ ପସନ୍ଦ କରନ୍ତି। ସେ ଭଲ ପାଉଥିବା ଲୋକଙ୍କ ସହିତ ସମୟ ବିତାଇବାକୁ ଚାହୁଁଛନ୍ତି। ଏହା ସହିତ ସେ ହ୍ରିତିକ୍ ରୋଶନଙ୍କୁ ତାଙ୍କର ସ୍ପେଶାଲ୍ ପ୍ଲାନିଂ ପାଇଁ ଧନ୍ୟବାଦ ଜଣାଇଛନ୍ତି। ସବାଙ୍କ ଏହି ପୋଷ୍ଟରେ ଆଲିଆ ଭଟ୍ଟଙ୍କ ମା ସୋନି ରଜଦାନ ତାଙ୍କୁ ଜନ୍ମଦିନରେ ଅଭିନନ୍ଦନ ଜଣାଇଛନ୍ତି। ଏହା ବ୍ୟତୀତ ସୁଜେନଙ୍କ ମନ୍ତବ୍ୟ ମଧ୍ୟ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛି।
