ଭୁବନେଶ୍ୱର : ଓଡ଼ିଶା ସରକାର ଗୁରୁବାର ଦିନ ଓଡ଼ିଶା ସ୍ପେଶାଲ୍ ଷ୍ଟ୍ରାଇକ୍ ଫୋର୍ସ (ଓଏସଏସଏଫ) କର୍ମଚାରୀଙ୍କ ଦରମା ବୃଦ୍ଧି କରିଛନ୍ତି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହା ଘୋଷଣା କରିଛନ୍ତି।ରିପୋର୍ଟ ଅନୁଯାୟୀ, ଓଡ଼ିଶା ସ୍ପେଶାଲ୍ ଷ୍ଟ୍ରାଇକ୍ ଫୋର୍ସର କର୍ମଚାରୀଙ୍କ ଦରମା ବୃଦ୍ଧି କରାଯାଇଛି। ରାଜ୍ୟ ସରକାର ମାସିକ ଦରମାରେ ବୃଦ୍ଧି କରିଛନ୍ତି।ସେହିପରି ଜୁନିଅର କମିସନଡ୍ ଅଫିସର (ଜିଡି)ଙ୍କ ଦରମା ୪୦ ହଜାର ଟଙ୍କାରୁ ୫୫ ହଜାର ଟଙ୍କା, ଜୁନିଅର କମିସନଡ୍ ଅଫିସର (ପ୍ରଶିକ୍ଷକ)ଙ୍କ ଦରମା ୪୦ ହଜାର ଟଙ୍କାରୁ ୫୫ ହଜାର ଟଙ୍କାକୁ ବୃଦ୍ଧି କରାଯାଇଛି।ସେହିପରି ଡିଙ୍ଗି ଡ୍ରାଇଭର/ନାବିକ ମେକାନିକ୍ସ/ନାବିକଙ୍କ ମାସିକ ଦରମା ୩୦ ହଜାର ଟଙ୍କାରୁ ୪୫ ହଜାର ଟଙ୍କା, ଇଞ୍ଜିନ ଡ୍ରାଇଭର/ଇଞ୍ଜିନିୟରଙ୍କ ୩୨ ହଜାର ଟଙ୍କାରୁ ୫୦ ହଜାର ଟଙ୍କା ଏବଂ ମାଷ୍ଟରଙ୍କ ଦରମା ୪୦ ହଜାର ଟଙ୍କାରୁ ୫୫ ହଜାର ଟଙ୍କାକୁ ବୃଦ୍ଧି ପାଇଛି।
