ମୁମ୍ବାଇ : ପରିଣୀତି ଚୋପ୍ରା ଏବଂ ରାଘବ ଚଢା ଖୁବ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଦୁହେଁ କେତେବେଳେ ରେଷ୍ଟୁରାଣ୍ଟରେ ନଜର ଆସୁଛନ୍ତି ତ କେତେବେଳେ ଏୟାରପୋର୍ଟରେ । ଏହାରି ଭିତରେ ଦୁହିଁଙ୍କର ନିର୍ବନ୍ଧର ପ୍ରସ୍ତୁତି ନେଇ ଆଲୋଚନା ହେଉଛି । ଏହି ବିବାହର ଖବର ମଧ୍ୟରେ ପରିଣୀତି ଚୋପ୍ରା ଇନଷ୍ଟାଗ୍ରାମରେ ଏପରି କିଛି ପୋଷ୍ଟ କରିଛନ୍ତି ଯେଉଁଥିରୁ ସୂଚନା ମିଳି ଯାଉଛି ଯେ ପରିଣୀତି ଏବେ ପ୍ରେମରେ ପଡିଯାଇଛନ୍ତି । ଲମ୍ବା ସମୟ ଧରି ପରିଣୀତି ଚୋପ୍ରା ଏବଂ ରାଘବ ଚଢା ଡେଟ କରୁଛନ୍ତି । କାହାରିକୁ ବି ଏହି କଥା ଜଣା ନ ଥିଲା । କିନ୍ତୁ ରାଘବ ଚଢାଙ୍କ ସହ ପରିଣୀତିଙ୍କୁ ଏକ ରେଷ୍ଟୁରାଣ୍ଟରୁ ବାହାରୁଥିବା ସମୟରେ ଦେଖିବା ପରେ ଫ୍ୟାନ୍ସ ମାନେ ଏହାକୁ ନେଇ ଜୋରଦାର ଶେୟାର କରିଥିଲେ । ଏହାରି ଭିତରେ ଇନଷ୍ଟାଗ୍ରାମରେ ଏକ ଛୋଟ ଭିଡିଓ ସେୟାର କରିଛନ୍ତି ପରିଣୀତି । ଏହି ଭିଡିଓକୁ ଫ୍ୟାନ୍ସ ମାନେ ପରିଣୀତି ଏବଂ ରାଘବଙ୍କ ଭଲପାଇବା ସହ ଯୋଡି ଦେଇଛନ୍ତି ।
