ନୂଆଦିଲ୍ଲୀ : ୟୁକ୍ରେନ ଉପରେ ପୁଣି ନୂଆ ମିଜାଇଲ ମାଡ କରିଛି ରୁଷ । ନୂଆ ହାଇପରସୋନିକ ବାଲାଷ୍ଟକ ମିଜାଇଲ ମାଡ କଲା ରୁଷିଆ । ନୂଆ ମିଜାଇଲ ଆକ୍ରମଣ ନେଇ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସୂଚନା । ରୁଷ ଆନ୍ତଃମହାଦେଶୀୟ ବାଲିଷ୍ଟିକ ମିଜାଇଲ ମାଡ କରିଛି । ମିଶାଇଲ ବ୍ୟତୀତ କିଞ୍ଜଲ ହାଇପରସୋନିକ ଏବଂ କେଏଚ-୧୦୧ କ୍ରୁଜ ମିସାଇଲରୁ ମଧ୍ୟ ଜୋରଦାର ଆଟାକ କରାଯାଇଛି । ବାୟୁସେନାର ସୂଚନା ମୁତାବକ , ଏହି ଆକ୍ରମଣ ଯୋଗୁଁ ସେମାନଙ୍କ ଗୁରୁତ୍ୱପୂର୍ଣ୍ଣ ପ୍ରତିଷ୍ଠାନ ବିଲ୍ଡିଂ ଏବଂ ସରଂଚନା ଗୁଡିକ ନଷ୍ଟ ହୋଇଯାଇଛି । ଆକ୍ରମଣରେ ଅଣ ଆଣବିକ ଅସ୍ତ୍ର ବ୍ୟବହାର କରାଯାଇଛି । କ୍ରୁଜ ମିଶାଇଲ ନିକ୍ଷେପ ପାଇଁ ରୁଷ ନିଜର ଦୀର୍ଘ ଦୂରଗାମୀ ବୋମା ବର୍ଷକ ଟିୟୁ-୯୫ଏମଏସ ବ୍ୟବହାର କରିଛି । ଏହି ବୋମା ବର୍ଷକ ଭୋଲଗୋଗ୍ରାଡ ଅଞ୍ଚଳରୁ ଉଡିଥିଲା ।
ତେବେ ଏହାରି ମଧ୍ୟରେ ରୁଷ ଦାବି କରିଛି ଯେ ଏହାର ଏୟାର ଡିଫେନ୍ସ ସିଷ୍ଟମ ଦୁଇଟି ବ୍ରିଟିଶ ଷ୍ଟର୍ମ ଶାଡୋକୁ ଖସାଇଦେଇଛି । ୟୁକ୍ରେନ ଏହି ମିଶାଇଲ ଗୁଡିକ ରୁଷ ଆଡକୁ ନିକ୍ଷେପ କରିଥିଲା । ପ୍ରଥମ ଥର ରୁଷ ବିରୋଧରେ ୟୁକ୍ରେନ ଏହି ମିଶାଇଲ ବ୍ୟବହାର କରିଛି ।
