ଘଟଗାଁ : କେନ୍ଦୁଝର ଜିଲ୍ଲା ପଣ୍ଡାପଡା ଥାନା ଅର୍ନ୍ତଗତ ଧରାବେଡା ଗାଁ ନିକଟରେ ଥିବା ରାସ୍ତା ପାଶ୍ୱର୍ରେ ଏକ ନାଳରୁ ଜଣେ ଅଜଣା ବ୍ୟକ୍ତିଙ୍କ ମୃତ୍ୟୁ ଦେହ ଉଦ୍ଧାର କରାଯାଇଛି ।
ସୂଚନା ଅନୁଯାୟୀ , ଶନିବାର ଦିନ ସକାଳୁ କିଛି ସ୍ଥାନୀୟ ବାସିନ୍ଦା ଶୌଚ ହେବା ପାଇଁ ଉକ୍ତ ନାଳକୁ ଯିବା ସମୟରେ ନାଳ ପାଣିରେ ମୃତ୍ୟୁ ଦେହଟି ଭାସୁଥିବାର ଲକ୍ଷ୍ୟ କରିଥିଲେ । ମୃତ୍ୟୁ ଦେହଟି ଭାସୁଥିବାର ଦେଖି ସେମାନେ ସଙ୍ଗେ ସଙ୍ଗେ ସ୍ଥାନୀୟ ପଣ୍ଡାପଡା ଥାନାରେ ଖବର ଦେଇଥିଲେ । ଖବର ପାଇ ପୋଲିସ୍ ଘଟଣାସ୍ଥଳରେ ପଂହଁଚି ମୃତଦେହକୁ ଜବତ କରିବା ସହ ତଦନ୍ତ ପ୍ରକ୍ରିୟା ଜାରି ରଖିଛନ୍ତି । ଏହି ବ୍ୟକ୍ତି ଜଣଙ୍କୁ ହତ୍ୟା କରି ନାଳରେ ଫିଙ୍ଗିଦେଇଥିବା ପୋଲିସ୍ ସନ୍ଦେହ କରୁଛି । ଅନ୍ୟ ପକ୍ଷରେ ପୋଲିସର ପ୍ରାଥମିକ ତଦନ୍ତ ପରେ ମଧ୍ୟ ବ୍ୟକ୍ତିଙ୍କ ପରିଚୟ ମିଳିପାରିନାହିଁ ।
