ଜଳେଶ୍ୱର : ପୋଲିସ-ଅଭିଯୋଗକାରୀ ଧସ୍ତାଧସ୍ତା । ବାଲେଶ୍ବର ଜିଲ୍ଲା ବାଲିଆପାଳ ଥାନା ପରିସରରେ ଆଇଆଇସିଙ୍କ ସହ ଅଭିଯୋଗକାରୀଙ୍କ ଧସ୍ତାଧସ୍ତି ହୋଇଛି । ସୂଚନାନୁଯାୟୀ, ବ୍ରହ୍ମପୁର ଅଞ୍ଚଳର ଜଣେ ଯୁବକ ତାଙ୍କ ବନ୍ଧୁ ଘର ବାଲିଆପାଳ ଆସିଥିଲେ । ସେଠାରେ ତାଙ୍କ ଗାଡିର ନମ୍ବର ପ୍ଲେଟ ହଜିଯାଇଥିଲା । ଯାହାକୁ ନେଇ ଥାନାକୁ ଯାଇଥିଲେ ଯୁବକ । ସେଠାରେ ପୋଲିସ ସହ ତାଙ୍କର ଯୁକ୍ତି ହୋଇଥିଲା । ସେହି ସମୟରେ ଯୁବକ ଜଣକ ଭିଡିଓ କରିବାକୁ ଚେଷ୍ଟା କରିଥିଲେ । ଏହାକୁ ନେଇ ଉଭୟଙ୍କ ମଧ୍ୟରେ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା । ଘଟଣାକୁ ନେଇ ଥାନା ପରିସରରେ ଉତ୍ତେଜନା ଲାଗି ରହିଛି । ତେବେ ଯୁବକ ଜଣଙ୍କ ବର୍ତ୍ତମାନ ପୋଲିସ କଷ୍ଟଡି ଭିତରେ ରହିଥିବା ବେଳେ ଉଭୟ ପକ୍ଷରୁ ପ୍ରତିକ୍ରିୟା ମିଳିପାରିନାହିଁ ।
