ମୁମ୍ବାଇ : ହୃଦଘାତ ନେଲା ଆଉ ଜଣେ ଅଭିନେତାଙ୍କ ଜୀବନ । ତାମିଲ ଇଣ୍ଡଷ୍ଟ୍ରୀ ପାଇଁ ଦୁଃଖଦ ଖବର । ଲୋକପ୍ରିୟ ହିନ୍ଦୀ ଏବଂ ତାମିଲ ଷ୍ଟାର ପବନ ସିଂଙ୍କ ମୃତ୍ୟୁ । ମାତ୍ର ୨୫ ବର୍ଷ ବୟସରେ ସେ ସମସ୍ତଙ୍କୁ ଛାଡି ଚାଲିଯାଇଛନ୍ତି । ମୁମ୍ବାଇ ସ୍ଥିତ ଘରେ ତାଙ୍କର ହାର୍ଟଆଟାକ ହୋଇଛି । ତାଙ୍କ ମୃତ୍ୟୁରେ ତାମିଲ ଇଣ୍ଡଷ୍ଟ୍ରୀକୁ ବଡ ଝଟକା ଲାଗିଛି । ପବନ କର୍ଣ୍ଣାଟକର ମାଣ୍ଡ୍ୟା ଜିଲ୍ଲାରେ ରହୁଥିଲ । ତେଣୁ ପବନଙ୍କ ମୃତଦେହକୁ ମୁମ୍ବାଇରୁ ପୈତୃକ ସ୍ଥାନ ମାଣ୍ଡ୍ୟାକୁ ନିଆଯାଇ ଅନ୍ତିମ ସଂସ୍କାର କରାଯିବ । ପବନ କର୍ଣ୍ଣାଟକର ବାସିନ୍ଦା ହୋଇଥିବା ସତ୍ତ୍ୱେ କାମ ଯୋଗୁଁ ମୁମ୍ବାଇରେ ରହୁଥିଲେ । ସେ ହିନ୍ଦୀ ଏବଂ ତାମିଲ ସିରିଅଲରେ କାମ କରିସାରିଛନ୍ତି । ତାଙ୍କ ମୃତ୍ୟୁରେ ପରିବାରକୁ ଝଟକା ଲାଗିଛି ।
ପବନଙ୍କ ମୃତ୍ୟୁରେ ମାଣ୍ଡ୍ୟା ବିଧାୟକ ଏଚଟି ମଞ୍ଜୁ, ପୂର୍ବ ବିଧାୟକ କେବି ଚନ୍ଦ୍ରଶେଖର, ପୂର୍ବମନ୍ତ୍ରୀ କେସି ନାରାୟଣ ଗୌଡା, ପୂର୍ବ ବିଧାୟକ ବି ପ୍ରକାଶ, ଟିଏପିସିଏମଏସର ଅଧ୍ୟକ୍ଷ ବିଏଲ ଦେବରାଜୁ ଶୋକ ବ୍ୟକ୍ତ କରିଛନ୍ତି ।
