ଭୁବନେଶ୍ୱର : ତାପଙ୍ଗ ଖଣିରୁ ନିଖୋଜ ଯୁବତୀଙ୍କ କଙ୍କାଳ ଉଦ୍ଧାର ଘଟଣା । ପୁରୁଷ ବନ୍ଧୁ ଦେବାଶିଷ ବିଷୋୟୀକୁ ଗିରଫ କଲା ଭରତପୁର ପୋଲିସ । ପୁରୁଷ ବନ୍ଧୁ ହତ୍ୟା କରିଥିବା ନେଇ ସୂଚନା ଦେଲେ ପୋଲିସ କମିଶନର । ନିଖୋଜର ୮ ମାସ ପରେ ଗତକାଲି ଯୁବତୀଙ୍କ କଙ୍କାଳ ଉଦ୍ଧାର ହୋଇଥିଲା । ଜାନୁଆରୀରୁ ଭୁବନେଶ୍ୱର ଭରତପୁର ଅଞ୍ଚଳରୁ ଯୁବତୀ ନିଖୋଜ ଥିଲେ । ସୂଚନା ଅନୁସାରେ ଶୁକ୍ରବାର କଳିଙ୍ଗମୁଣ୍ଡିଆରେ ଥିବା ଏକ ପଥର ଖଣି ପରିସରରୁ ଯୁବତୀଙ୍କ ମୃତଦେହ ଜବତ ହୋଇଥିଲା । ଯୁବତୀ ଜଣକ ଭରତପୁର ଥାନା ଅଞ୍ଚଳର । ମୃତ ଯୁବତୀଙ୍କ ନାଁ ନିରୁପମା ପରିଡ଼ା ଓରଫ ମିତା । ସେ ଭୁବନେଶ୍ୱର ଭରତପୁର ଅଞ୍ଚଳରେ କେୟାର୍ ଟେକର ଭାବେ କାମ କରୁଥିଲେ । ଗତ ଜାନୁୟାରୀ ସେ ନିଖୋଜ ହୋଇଯାଇଥିଲେ । ଏ ନେଇ ପରିବାର ଲୋକେ ଭରତପୁର ଥାନାରେ ଅଭିଯୋଗ କରିଥିଲେ । କିନ୍ତୁ ପୋଲିସ ଯୁବତୀଙ୍କ ପତ୍ତା ପାଇ ନ ଥିଲା । ୮ମାସ ପରେ ଦେବାଶିଷକୁ ଧରି ପଚରାଉଚରା କରିବାରୁ ସେ ହତ୍ୟା କରିଥିବା ସ୍ଵୀକାର କରିଥିଲା ।
