କୋଲକତା : ଦିନ ଦ୍ୱିପ୍ରହରରେ ଟିଏମସି ନେତାଙ୍କୁ ହତ୍ୟା । ପଶ୍ଚିମବଙ୍ଗର ନଦିୟାର ହଂସଖଲୀ ଥାନା ରାମନଗର ଚମ୍ପାରିୟା ଗାଁରେ ଘଟିଛି ଏଭଳି ଘଟଣା । ହତ୍ୟାର ଶିକାର ହୋଇଥିବା ଟିଏମସିଙ୍କ ନେତାଙ୍କ ନାମ ଅମୋଦ ଅଲ୍ଲୀ ବିଶ୍ୱାସ । ସବୁଦିନ ଭଳି ନେତା ଜଣକ ବଜାରକୁ ଯାଇଥିଲେ । ଏହି ସମୟରେ କିଛି ଦୁର୍ବୃତ୍ତ ତାଙ୍କୁ ଦୋକାନ ବାହାରକୁ ଡାକି ଗୁଳିମାଡ କରିଥିଲେ । ନେତା ଜଣକ ଘଟଣା ସ୍ଥଳରେ ଟଳି ପଡିଥିଲେ । ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ଟିଏମସି ନେତା ବିଶ୍ୱାସ ବଜାରରେ ଏକ ଚା’ କୋଦାନରେ ବସିଥିଲେ । ଏହି ସମୟରେ ଏଭଳି ଘଟଣା ଘଟିଥିଲା । ଯେଉଁମାନେ ଗୁଳିମାଡ କରିଥିଲେ, ସେମାନେ ମୁହଁରେ କପଡା ବାନ୍ଧିଥିଲେ । ଘଟଣା ବିଷୟରେ ସୂଚନା ମିଳିବା ପରେ ପୋଲିସ ମାମଲାର ଯାଞ୍ଚ କରୁଛି । ତେବେ ଦିନ ଦ୍ୱିପ୍ରହରରେ ଜଣେ ଟିଏମସି ନେତାକୁ ହତ୍ୟା ପୋଲିସ ଶାସନ ଉପରେ ପ୍ରଶ୍ନ ଉଠାଇଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।
