ନୁଆଦିଲ୍ଲୀ : ଭେଟେରାନ୍ ବଲିଉଡ ଅଭିନେତା ଜୁନିଅର ମେହମୁଦଙ୍କ ପରଲୋକ ।କ୍ୟାନସରରେ ଆକ୍ରାନ୍ତ ଜୁନିଅର ମେହମୁଦଙ୍କ ୬୭ ବୟସରେ ପରଲୋକ । ୬୦ ଓ ୭୦ ଦଶକର ଚର୍ଚ୍ଚିତ ଶିଶୁ କଳାକାର ଜୁନିଅର ମେହମୁଦ ।ସେ ୪ ଦଶନ୍ଧିର କ୍ୟାରିଅରରେ ୨୫୦ରୁ ଅଧିକ ଫିଲ୍ମରେ ଅଭିନୟ କରିଛନ୍ତି।
ସୂଚନା ଅନୁଯାୟୀ ଜୁନିୟର ମେହମୁଦଙ୍କ ହଠାତ୍ ଓଜନ ହ୍ରାସ ହେବାକୁ ଲାଗିଲା। ଯାହା ପରେ ତାଙ୍କର ପରୀକ୍ଷା କରାଯାଇଥିଲା ଏବଂ ନଭେମ୍ବରରେ ତାଙ୍କର କର୍କଟ ରୋଗ ଚିହ୍ନଟ ହୋଇଥିଲା । ଏନେଇ ତାଙ୍କର ଘନିଷ୍ଠ ବନ୍ଧୁ ସଲାମ କାଜୀ ସୂଚନା ଦେଇଥିଲେ । ଯେତେବେଳେ ଡାକ୍ତରୀ ରିପୋର୍ଟ ଆସିଲା ସେତେବେଳେ କୁହାଯାଇଥିଲା ଯେ କର୍କଟ ରୋଗ ହୋଇଛି। ଯକୃତ ଏବଂ ଫୁସଫୁସରେ କ୍ୟାନସର ହେବା ସହ ଜଣ୍ଡିସରେ ମଧ୍ୟ ପୀଡିତ ଥିଲେ ବୋଲି ଡାକ୍ତରମାନେ କହିଥିଲେ।
