ବାଙ୍ଗାଲୋର : ଖାଇକୁ ଖସିଲା ଫଳ ବୋଝେଇ ଟ୍ରକ । କର୍ଣ୍ଣାଟକର ଉତ୍ତର କନ୍ନଡ ଜିଲ୍ଲାର ୟାଲାପୁରା ହାଇୱେରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା । ଗୁଲାପୁରାରେ ଫଳ ବୋଝେଇ ଟ୍ରକ ଅନିୟନ୍ତ୍ରିତ ହୋଇ ଏକ ଟ୍ରିପରକୁ ଧକ୍କା ଦେଇଥିଲା । ଫଳରେ ୧୦ ଜଣଙ୍କର ଜୀବନ ଚାଲିଯାଇଥିବା ବେଳେ ୧୫ ଜଣ ଆହତ ହୋଇଛନ୍ତି । ଘଟଣା ସକାଳ ୪ଟାରେ ହୋଇଛି । ଘଟଣା ସ୍ଥଳରେ ପୋଲିସ ପହଞ୍ଚି ଯାଞ୍ଚ ଆରମ୍ଭ କରିଛି । ପୋଲିସ ଅଧିକାରୀଙ୍କ କହିବା ମୁତାବକ, ଫଳ ବୋଝେଇ ଟ୍ରକ ଅନିୟନ୍ତ୍ରିତ ହୋଇ ୫୦ ମିଟର ଖାଇକୁ ଖସିପଡିଥିଲା । ଫଳରେ ଏଥିରେ ଥିବା ୧୦ ଜଣଙ୍କର ଜୀବନ ଚାଲିଯାଇଥିବା ବେଳେ ୧୫ ଜଣ ଗୁରୁତର ଆହତ ହୋଇଛନ୍ତି । ଆହତଙ୍କୁ ହୁବଲୀର କିମସ ହସପିଟାଲରେ ଭର୍ତ୍ତି କରାଯାଇଛି । ସମସ୍ତ ଲୋକ ଫଳ ବିକ୍ରେତା, ସାବନୁରରୁ ଫଳ ବିକିବା ପାଇଁ ୟାଲାପୁରା ମେଳାକୁ ଯାଉଥିଲେ । ଦୁର୍ଘଟଣା ଜଙ୍ଗଲ ଅଞ୍ଚଳରେ ହୋଇଛି ବୋଲି ଉତ୍ତର କନ୍ନଡ ପୋଲିସ ଅଧିକ୍ଷକ ଏମ ନାରାୟଣ କହିଛନ୍ତି ।
