ନୂଆଦିଲ୍ଲୀ : ଭାରତର ଘନ ଘନ ଆକ୍ରମଣ ପାଇଁ କାନ୍ଦିଲେ ପାକିସ୍ତାନୀ ସାଂସଦ । ସାଂସଦ ତାହିର ଇକବାଲ ଅଭିଭାଷଣ ବେଳେ କାନ୍ଦି ପକାଇଲେ । ଦେଶକୁ ରକ୍ଷା କରିବାକୁ ଅନୁରୋଧ କଲେ ତାହିର । ଆମେ ଭୁଲ କରିଛୁ , ଆମକୁ ବଞ୍ଚାଅ କହିଲେ ତାହିର । ଅପରେସନ ସିନ୍ଦୂର ଆରମ୍ଭ କରି ଭାରତ ଆତଙ୍କୀସ୍ତାନ ବିରୋଧରେ ଆକ୍ରମଣ ଆରମ୍ଭ କରିଥିଲା । ଯାହାକୁ ନେଇ ଏବେ ସାରା ପାକିସ୍ତାନରେ ହାହାକାର ସ୍ଥିତି ଆରମ୍ଭ ହୋଇଛି । ୬ ତାରିଖ ରାତିରେ ଭାରତୀୟ ସେନା ପାକିସ୍ତାନ ଓ ଏଲଓସିର ୯ଟି ଆତଙ୍କୀ ଆଡ୍ଡା ଉପରେ ଆକ୍ରମଣ କରି ଆତଙ୍କୀ ଆଡ୍ଡା ଧ୍ୱଂସ କରିଦେଇଥିଲା । ଏଥିରେ ୧୦୦ ଆତଙ୍କବାଦୀ ନିପାତ ହୋଇଥିବା ଖବର ସାମ୍ନାକୁ ଆସିଥିଲା । ଏହାପରେ ଏଲଓସିରେ ପାକିସ୍ତାନ ଗୁଳି ବର୍ଷା ଆରମ୍ଭ କରିଥିଲା । ବର୍ତ୍ତମାନ ଭାରତ ସିନ୍ଦୂର ୨.୦ ଆରମ୍ଭ କରିଛି । ସେପଟେ ପାକିସ୍ତାନର କିଛି ସ୍ଥାନରେ ଡ୍ରୋନ ଆଟାକ ସହ ବିସ୍ଫୋରଣର ଖବର ବି ଆସୁଛି ।
