ବ୍ରହ୍ମପୁର : ନିକଟରେ ରାଜ୍ୟ ସରକାରଙ୍କର ଓଏସଏସସି ପକ୍ଷରୁ ୧0୫୧ କନିଷ୍ଠ ଯନ୍ତ୍ରୀ ପଦପାଇଁ ପିଯୁକ୍ତି ଵିଜ୍ଞାପନ ପ୍ରକାଶ ପାଇଛି | ଏହି ପଦପାଇଁ ସର୍ବନିମ୍ନ ଯୋଗ୍ୟତା ଡିପ୍ଲୋମା ଇନ୍ ସିଭିଲ ଇଞ୍ଜିନିୟରିଂ ରଖାଇଯାଇଛି | ତେବେ କେବଳ ଡିପ୍ଲୋମା ନୁହେଁ ସିଭିଲ ଇଞ୍ଜିନିୟରିଂରେ ବି-ଟେକ୍ କରିଥିବା ଛାତ୍ରଛାତ୍ରୀଙ୍କୁ ମଧ୍ୟ ଏହି ପଦରେ ଆବେଦନ କରିବାକୁ ସୁଯୋଗ ଦିଆଯାଉବୋଲି ବିଭିନ୍ନ ମହଲରେ ଦାବି ହୋଇଛି | ରାଜ୍ୟରେ ପ୍ରତିବର୍ଷ ୧0 ହଜାର ରୁ ଅଧିକ ଛାତ୍ରଛାତ୍ରୀ ବି-ଟେକ୍ ପାସ୍ କରୁଥିବା ବେଳେ ସେହି ଅନୁସାରେ ସେହିପରି ସରକାରୀ ପଦପଦବୀରେ ନିଯୁକ୍ତି ମିଳୁନାହିଁ | ତେଣୁ ରାଜ୍ୟ ସରକାର ଏହି ୧0୫୧ ପଦ ପାଇଁ ବି-ଟେକ୍ ପାସ୍ କରିଥିବା ଛାତ୍ରଙ୍କୁ ସୁଯୋଗ ଦେବାକୁ ଦାବି ହୋଇଛି | କେନ୍ଦ୍ର ସରକାରଙ୍କ ଷ୍ଟାଫ ସିଲେକସନ କମିଶନ ଆରଆରବି ସହ ମଧ୍ୟପ୍ରଦେଶ, ରାଜସ୍ଥାନ, ଆନ୍ଧ୍ରପ୍ରଦେଶ ଭଳି ରାଜ୍ୟରେ ଭଳି ରାଜ୍ୟରେ କନିଷ୍ଠ ଯନ୍ତ୍ରୀ ପଦ ପାଇଁ ବି-ଟେକ୍ ସିଭିଲ ଇଞ୍ଜିନିୟରିଂ ଛାତ୍ରଛାତ୍ରୀଙ୍କୁ ସୁଯୋଗ ଦିଆଯାଉଥିବାବେଳେ ଓଡିଶା ସରକାର ମଧ୍ୟ ସେ ଦିଗରେ ପଦକ୍ଷେପ ନେବାକୁ ଦାବି ହୋଇଛି |
