ବ୍ୟୁରୋ : ଗାଁର ନାଁ ଲୋକଙ୍କ ମନରେ ଏକ ଭିନ୍ନ ଚିତ୍ର ସୃଷ୍ଟି କରେ । ଗାଁର ଅର୍ଥ ହେଉଛି ଝାଟି ମାଟିର ଘର, କେଉଁଠି କାଁ ଭାଁ ପକ୍କା ଘର , ଛୋଟ ଏବଂ ସଂକୀର୍ଣ୍ଣ ରାସ୍ତା, ଚାରିଆଡେ ସବୁଜତା, ସମସ୍ତଙ୍କର ପଶୁପାଳନ ଏବଂ କୃଷି ଜମି । କିନ୍ତୁ ଆପଣ ଜାଣି ଆଶ୍ଚର୍ୟ୍ୟ ହେବେ ଯେ ଏହି ଦୁନିଆରେ ଏପରି ଏକ ଗାଁ ଅଛି, ଯେଉଁଠାରେ ଆଜି ବି ରାସ୍ତା ନାହିଁ । ଏହି ଗାଁରେ କେହି କାର୍ କିମ୍ବା ବାଇକ୍ କିଣନ୍ତି ନାହିଁ କିନ୍ତୁ ଡଙ୍ଗା ନେଇଥାନ୍ତି । ଗାଁ ହୋଇଥିଲେ ବି ଏହାର ପରିବେଶ ପୂରା ଭିନ୍ନ । ଏହି ଗାଁରେ ପହଞ୍ଚିବାର ଏକମାତ୍ର ଉପାୟ ହେଉଛି ଡଙ୍ଗା ।
ନେଦରଲ୍ୟାଣ୍ଡରେ ଅବସ୍ଥିତ ଏକ ଛୋଟ ଗାଁ ଗିଥର୍ନ, ସାରା ବିଶ୍ୱରେ ଆଲୋଚନା ହେଉଛି । ଏହା ଦେଖିବାକୁ ବହୁତ ସୁନ୍ଦର ।ଏହି ଗାଁ ପରିଦର୍ଶନ କରିବା ପରେ ଲାଗୁଛି ଯେପରି ତୁମେ ପରୀର ଗାଁରେ ପହଞ୍ଚିଛ । ଏହି ଗାଁ ଏତେ ସୁନ୍ଦର ଯେ ତୁମେ ଏଥିରୁ ଆଖି କାଢି ପାରିବ ନାହିଁ । ଏହି କାରଣରୁ ଏହାକୁ ନେଦରଲ୍ୟାଣ୍ଡର ଭେନିସ୍ ମଧ୍ୟ କୁହାଯାଏ ।
ଏହି ଗାଁରେ ତୁମେ ଗୋଟିଏ ବି ରାସ୍ତା ପାଇବ ନାହିଁ । ରାସ୍ତା ଅଭାବରୁ ସ୍ଥାନୀୟ ଲୋକମାନେ କୈାଣସି ଗାଡି କିଣନ୍ତି ନାହିଁ । ଏଠାରେ କେବଳ ଡଙ୍ଗା ଚାଲିଥାଏ । ଲୋକମାନେ ଆସିବା ଏବଂ ଯିବା ପାଇଁ ଡଙ୍ଗା ବ୍ୟବହାର କରନ୍ତି । ଏହି ଅନନ୍ୟ ଗାଁ ଦେଖିବାକୁ ଲୋକମାନେ ଦୂରଦୂରାନ୍ତରୁ ଆସିଥାନ୍ତି ।
ଏହି ଗାଁ ସାରା ବିଶ୍ୱରେ ବହୁତ ପ୍ରସିଦ୍ଧ । ଆଜି ଦୁନିଆର ପ୍ରତ୍ୟେକ ସହର ପ୍ରଦୂଷଣର ଶିକାର ହୋଇଛି, କିନ୍ତୁ ନେଦରଲ୍ୟାଣ୍ଡର ଏହି ଗାଁରେ ପ୍ରଦୂଷଣର କୈାଣସି ଚିହ୍ନ ନାହିଁ। ଯାନବାହାନର ଅନୁପସ୍ଥିତି ଯୋଗୁଁ, କୈାଣସି ଶବ୍ଦ ନାହିଁ । ସେଥିପାଇଁ ଲୋକମାନେ ଏଠାରେ ଶାନ୍ତିପୂର୍ଣ୍ଣ ଜୀବନଯାପନ କରନ୍ତି।ଏଠାରେ ଅନେକ ସେତୁ ନିର୍ମାଣ କରାଯାଇଛି । ସେମାନଙ୍କ ତଳେ ଯାଉଥିବା ଡଙ୍ଗାଟି ଆକର୍ଷଣୀୟ ଦେଖାଯାଏ ।
ଏହି ଗାଁରେ ୧୮୦ ଟି ସେତୁ ଅଛି । ଏହାର ମୋଟ ଜନସଂଖ୍ୟା ପ୍ରାୟ ୩୦୦୦୦ । ଏଠାରେ ପ୍ରତ୍ୟେକ ପରିବାରର ନିଜର ଏକ ଡଙ୍ଗା ଅଛି । ଡଙ୍ଗା ବିନା ଏହି ସ୍ଥାନରେ ଜୀବନ କଳ୍ପନା କରିବା ଅସମ୍ଭବ । ଆମେ ନେଦରଲ୍ୟାଣ୍ଡର ଏକ ଛୋଟ ଗାଁ ଗିଥର୍ନ ବିଷୟରେ କହୁଛୁ । ଏଠାରେ କାହାର ଗାଡି ନାହିଁ, କେବଳ ଡଙ୍ଗା ପାଣିରେ ଗତି କରେ ।
