ନୂଆଦିଲ୍ଲୀ : ଆସୁଛି ରାମଚରଣ ଓ କିଆରା ଆଡଭାନୀଙ୍କ ନୂଆ ଫିଲ୍ମ । ଫିଲ୍ମର ନିର୍ଦ୍ଦେଶନା ଦେବେ ସାଉଥ୍ର ଜଣାଶୁଣା ନିର୍ଦ୍ଦେଶକ ଶଙ୍କର । ଫିଲ୍ମର ନାଁ ରହିଛି ‘ଗେମ୍ ଚେଞ୍ଜର’ । ‘ଆରଆରଆର’ର ସଫଳତା ପରେ ରାମଚରଣ ଏହି ନୂଆ ଫିଲ୍ମକୁ ନେଇ ଖୁବ୍ ଉତ୍ସାହିତ ଅଛନ୍ତି । ଏହା ସହିତ ତାଙ୍କ ଫ୍ୟାନ୍ ମାନେ ମଧ୍ୟ ଏକଦମ୍ ଖୁସ୍ । ଗତ ଶନିବାର (୨୭.୩) ଦିନ ରାମଚରଣ ଓସ୍କାର ପୁରସ୍କାର ଉତ୍ସବରୁ ଫେରିବା ପରେ ହାଇଦ୍ରାବାଦରେ ନୂଆ ଫିଲ୍ମର ଏକ ଗୀତ ସୁଟିଂ କରିଥିଲେ । ସେହି ଜାଗାରେ ତାଙ୍କର ଜନ୍ମଦିନ ମଧ୍ୟ ପାଳନ କରାଯାଇଥିଲା । ସେଠାରେ ଲାଗିଥିବା ସେଟ୍ର ଏକ କୋଣରେ ଜନ୍ମଦିନ ପାଇଁ କେକ୍ ରଖି ସଜା ଯାଇଥିଲା । ରାମଚରଣ ଯେତେବେଳେ ଭିତରକୁ ଆସିଲେ ଉପରୁ ଫୁଲ ବର୍ଷା କରାଯାଇଥିଲା ।
