ଭୁବନେଶ୍ୱର : ସାବଧାନ ଅମାନିଆ ବୁଲେଟ ଚାଳକ । ଗାଡ଼ିକୁ ଠୋ ଠା ଶବ୍ଦ କରି ଚଳାଉଥିଲେ ଏବେ ଗଣିବେ ତଣ୍ଡ । ଆମାନିଆଙ୍କୁ ସାବାଡ଼ କରିବାକୁ ଏବେ ସଜାଗ ହୋଇଛି ପୋଲିସ ପ୍ରଶାସନ । ଅମାନିଆ ଗାଡି ଚାଳକଙ୍କୁ ଆଉ ନିସ୍ତାର ନାହିଁ । ରୋଡ୍ ରୋମିଓଙ୍କୁ ସାବାଡ଼ କରିବା ପାଇଁ ଆକ୍ସନ ମୋଡ଼କୁ ଆସିଛି ପୋଲିସ । ଆରମ୍ଭ ହୋଇଛି ସ୍ପେସାଲ ଡ୍ରାଇଭ । ଅନୁଗୁଳ ସହରରେ ବିକଟାଳ ଶବ୍ଦ କରୁଥିବା ମୋଟରସାଇକେଲ ଓ ଚାଳକଙ୍କ ଉପରେ କାର୍ୟ୍ୟାନୁଷ୍ଠାନ ଆରମ୍ଭ କରିଛି ପ୍ରଶାସନ । ଅନୁଗୁଳ ପରିବହନ ବିଭାଗ ଏବଂ ପୁଲିସ ସହାୟତାରେ ବିକଟାଳ ଶବ୍ଦ କରୁଥିବା ମୋଟରସାଇକେଲ ଗୁଡିକୁ ଯାଞ୍ଚ କରି ୧୭ଟି ମୋଟରସାଇକେଲ ଜବତ କରାଯାଇଛି । ଏହି ୧୭ ମୋଟରସାଇକେଲ ବୁଲେଟ ମୋଟରସାଇକେଲ ହିଁ ରହିଛି ।
