ଜଗତସିଂହପୁର : ଜଗତସିଂହପୁର ସ୍ୱାମୀ ଅରୂପାନନ୍ଦ କଲେଜ ଅଧକ୍ଷ, ଅଧ୍ୟାପକ ନିଲମ୍ବିତ । ଅଧ୍ୟକ୍ଷ ରମେଶ ସାହୁ , ଗଣିତ ଅଧ୍ୟାପକ ଶାସ୍ୱତ ମହାନ୍ତି ଚାକିରିରୁ ନିଲମ୍ବିତ । ଛାତ୍ରୀ ନିର୍ଯାତନା ଘଟଣାରେ ଜିଲ୍ଲାପାଳଙ୍କ କଡା କାର୍ଯ୍ୟାନୁଷ୍ଠାନ । ଅଧ୍ୟକ୍ଷଙ୍କ କାରଣ ଦର୍ଶାଅ ରିପୋର୍ଟ ସନ୍ତୋଷଜନକ ନଥିବାରୁ ପଦକ୍ଷେପ । ଏହି ବାବଦରେ କଲେଜ ଅଧକ୍ଷଙ୍କ ପ୍ରତିକ୍ରିୟା ହସ୍ତଗତ ହୋଇଛି। କଲେଜ୍ ଅଧକ୍ଷ କହିଛନ୍ତି ଏହି ଘଟଣା ଆଠ ମାସ ପୂର୍ବରୁ ଘଟିଥିଲା । ସଂପୃକ୍ତ ଛାତ୍ରୀ ଓ ଶିକ୍ଷକଙ୍କ ଉପସ୍ଥିତିରେ ଘଟଣାର ସମାଧାନ ହୋଇଯାଇଛି । ଶିକ୍ଷକ ଛାତ୍ରୀଙ୍କୁ ଭୁଲ ମାଗିବାରୁ ଛାତ୍ରୀ ଜଣକ ତାଙ୍କ ଅଭିଯୋଗକୁ ପ୍ରତ୍ୟାହାର କରି ନେଇଥିଲେ । ଆଜି କଲେଜ ଅଧକ୍ଷ ରମେଶ ସାହୁ ଓ ଅଧ୍ୟାପକ ଶାଶ୍ଵତ ମହାନ୍ତିଙ୍କୁ ନିଲମ୍ବିତ କରିଛନ୍ତି ଜଗତସିଂହପୁର ଉପ ଜିଲ୍ଲାପାଳ । ଏ ନେଇ ସୂଚନା ମଧ୍ୟ ଦେଇଛନ୍ତି ।
