ବ୍ୟୁରୋ : ଆମେ ସ୍ବାଦ ପାଇଁ ଲୁଣ ବ୍ୟବହାର କରିଥାଉ । ଲୁଣ ବିନା ଖାଦ୍ୟର ସ୍ବାଦ ମୂଲ୍ୟହୀନ । ଯେତେ ମସଲା ଦେଇ ରାନ୍ଧିଲେ ମଧ୍ୟ ଲୁଣ ବିନା ରୋଷେଇ ଅଧା ଅଧୁରା ଲାଗିଥାଏ । ଲୁଣକୁ ମଧ୍ୟ ଆମ ସ୍ବାସ୍ଥ୍ୟ ପାଇଁ ଉପକାରୀ ହୋଇଥାଏ । କିନ୍ତୁ ଅଧିକ ଲୁଣ ଖାଇବା ଦ୍ୱାରା ଆମ ଶରୀରକୁ କ୍ଷତି ପହଞ୍ଚାଇଥାଏ । ତେଣୁ ସନ୍ତୁଳିତ ପରିମାଣର ଲୁଣ ସେବନ କରିବା ଭଲ ସ୍ବାସ୍ଥ୍ୟ ପାଇଁ ଅତ୍ୟନ୍ତ ଗୁରୁତ୍ବପୂର୍ଣ୍ଣ । ଏହାକୁ କମ କିମ୍ବା ଅଧିକ ସେବନ କରାଯାଏ, ଉଭୟ କ୍ଷେତ୍ରରେ ଏହା ଶରୀର ଉପରେ ନକାରାତ୍ମକ ପ୍ରଭାବ ପକାଇଥାଏ । ରକ୍ତଚାପ ରୋଗୀଙ୍କ ପାଇଁ ହିତକର ହୋଇଥାଏ ଲୁଣ । କିନ୍ତୁ ବର୍ତ୍ତମାନ ଆମେ ଆପଣଙ୍କୁ ଅତ୍ୟଧିକ ଲୁଣ ସେବନର କ୍ଷତି ସମ୍ପର୍କରେ ଜଣାଇବୁ । ଅତ୍ୟଧିକ ଲୁଣ ଖାଇବା ଦ୍ୱାରା ରକ୍ତବାହୀ ନଳୀ ଉପରେ ଚାପ ବଢ଼ିଥାଏ । ଯାହା ଫଳରେ ରକ୍ତଚାପ ବୃଦ୍ଧି ପାଏ । ଏହା ହୃଦରୋଗ ଏବଂ ଷ୍ଟ୍ରୋକର ଏକ ପ୍ରମୁଖ କାରଣ । ଶରୀରରୁ ଅତିରିକ୍ତ ଲୁଣ ବାହାର କରିବାରେ କିଡନୀକୁ ଅଧିକ ପରିଶ୍ରମ କରିବାକୁ ପଡିଥାଏ । ତେଣୁ ଏହାର କାର୍ୟ୍ୟକ୍ଷମତା ବଢିବାରୁ କିଡନୀ ରୋଗର ଆଶଙ୍କାକୁ ବୃଦ୍ଧି କରିଥାଏ । ପାଚନ ପ୍ରକ୍ରିୟା ଉପରେ ମଧ୍ୟ ଏହାର ଖରାପ ପ୍ରଭାବ ପକାଇଥାଏ । ଅଧିକ ଲୁଣ ସେବନ ଶରୀରରେ କ୍ୟାନସର ଭଳି ମାରାତ୍ମକ ରୋଗ ଦେଖାଦେଇଥାଏ । ଏତିକି ନୁହେଁ ବରଂ ଏହାର ଅତ୍ୟଧିକ ସେବନ ହାତ, ପାଦ ଏବଂ ଗୋଡ଼ ଫୁଲିବା ଭଳି ସମସ୍ୟା ସୃଷ୍ଟି କରିଥାଏ । ତେଣୁ ଏହି ଛୋଟ ଛୋଟ ଜିନିଷ ପ୍ରତି ଧ୍ୟନ ଦେବା ଦ୍ବାରା ଆମେ ବଡ଼ ବଡ଼ ରୋଗରୁ ମୁକ୍ତି ପାଇ ଯାଇପାରିବା । ତେବେ ଏହି ସମସ୍ତ ସମସ୍ୟାରୁ ରକ୍ଷା ପାଇବା ପାଇଁ, ଆପଣଙ୍କ ଦୈନନ୍ଦିନ ଖାଦ୍ୟରେ ଲୁଣର ପରିମାଣ ନିୟନ୍ତ୍ରଣ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
