ବ୍ୟୁରୋ : ସଜନା ଛୁଇଁ ବା ଡ୍ରମଷ୍ଟିକ୍ ହେଉଛି ଏକ ସାଧାରଣ ପରିବା । ଯାହା ଭାରତର ପ୍ରାୟ ପ୍ରତ୍ୟେକ ଅଞ୍ଚଳରେ ଲୋକମାନେ ଖଆଇଥାନ୍ତି । ବିଶେଷକରି ଦକ୍ଷିଣ ଭାରତୀୟ ରେସିପି ସମ୍ୱରରେ ଏହା ବହୁ ବ୍ୟବହୃତ ହୁଏ । ଏହି ପନିପରିବାରେ କ୍ୟାଲସିୟମ୍, ଭିଟାମିନ୍ ବି, ଭିଟାମିନ୍ ସି, ଭିଟାମିନ୍ ଇ, ପ୍ରୋଟିନ୍, ଫାଇବର ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ପୋଷକ ତତ୍ତ୍ୱ ମିଳିଥାଏ । ସଜନା ଛୁଇଁ ଏକ ସୁପରଫୁଡ୍ ଠାରୁ କମ୍ ନୁହେଁ, କାରଣ ଏହାର ପତ୍ର ଏବଂ ଛୁଇଁ ସ୍ୱାସ୍ଥ୍ୟ ପାଇଁ ଭଲ ।
ସଜନା ଛୁଇଁ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ହୁଏ । ଏଥିରେ ଆଣ୍ଟିଫଙ୍ଗାଲ୍, ଆଣ୍ଟିଭାଇରାଲ୍ ଏବଂ ଆଣ୍ଟିଡେପ୍ରେସାଣ୍ଟ ଗୁଣ ରହିଛି । ଆପଣ ଏହାର ପତ୍ର, କିମ୍ବା ଛୁଇଁ ଖାଇପାରିବେ । ସଜନା ଛୁଇଁ ହାର୍ଟ ଏବଂ ମଧୁମେହ ରୋଗୀଙ୍କ ପାଇଁ ମଧ୍ୟ ବହୁତ ଲାଭଦାୟକ ଅଟେ । ସଜନା ଛୁଇଁ ଲୈାହରେ ଭରପୂର, ଯେଉଁ କାରଣରୁ ଏହାର ବ୍ୟବହାର ରକ୍ତହୀନତାକୁ ଉପଶମ କରିବାକୁ ପରାମର୍ଶ ଦିଆଯାଏ ।
ସମସ୍ତ ଜରୁରୀ ପୋଷକ ତତ୍ତ୍ୱ ସଜନା ଛୁଇଁରେ ଭିଟାମିନ୍ ସି, ଭିଟାମିନ୍ ଏ ଏବଂ କ୍ୟାଲସିୟମ୍ ଭରପୂର ମାତ୍ରାରେ ମିଳିଥାଏ । ଏକ ଅନୁସନ୍ଧାନରୁ ଜଣାପଡିଛି ଯେ ସଜନା ଛୁଇଁରେ କମଳା ଅପେକ୍ଷା ସାତଗୁଣ ଅଧିକ ଭିଟାମିନ୍ ସି ଏବଂ ଗାଜର ଅପେକ୍ଷା ୧୦ ଗୁଣ ଅଧିକ ଭିଟାମିନ୍ ଏ ମିଳିଥାଏ। ଏକ ସୁସ୍ଥ ଶରୀର ପାଇଁ ଏହି ସମସ୍ତ ଉପାଦାନଗୁଡିକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିବେଚନା କରାଯାଏ ।
ସଜନା ଛୁଇଁର ଲାଭ -:
ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇବ
ସଜନା ଛୁଇଁ କିମ୍ବା ଏହାର ପତ୍ର ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ହୁଏ । ଏହାର ପତ୍ର ଫାଇଟୋନ୍ୟୁଟ୍ରିଏଣ୍ଟରେ ଭରପୂର, ଯାହା ପ୍ରତିରକ୍ଷା ପ୍ରଣାଳୀକୁ ମଜବୁତ କରିଥାଏ ।
ସଜନା ଛୁଇଁ ଖାଇବା ଦ୍ୱାରା ଶରୀର ଶକ୍ତି ପାଏ, ଯେଉଁ କାରଣରୁ ଥକ୍କାପଣ ସମସ୍ୟା ଦୂର ହୁଏ । ଲୈାହ ସମୃଦ୍ଧ ସଜନା ପତ୍ର ମଧ୍ୟ ଦୁର୍ବଳତାକୁ ଦୂର କରିବାରେ ସାହାଯ୍ୟ କରେ ।
ସଜନା ପତ୍ରରେ କ୍ୟାଲସିୟମ୍ ଏବଂ ଫସଫରସ୍ ଭରପୂର, ଯାହାର ବ୍ୟବହାର ହାଡକୁ ଶକ୍ତିଶାଳୀ ଏବଂ ସୁସ୍ଥ କରିଥାଏ । ସଜନା ପତ୍ରରେ ମଧ୍ୟ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି, ଯାହା ଆପଣଙ୍କୁ ଆର୍ଥ୍ରାଇଟିସ୍ ଏବଂ ଅଷ୍ଟିଓପୋରୋସିସ୍ ସହିତ ଲଢିବାରେ ମଧ୍ୟ ସାହାଯ୍ୟ କରିଥାଏ ।
ସଜନା ପତ୍ର ଖାଇବା ଦ୍ୱାରା ରକ୍ତରେ ଶର୍କରା ସ୍ତର ନିୟନ୍ତ୍ରଣରେ ରହିଥାଏ । ସେଗୁଡିକ ଖାଇବା ଦ୍ୱାରା ମଧୁମେହ ହେବାର ଆଶଙ୍କା କମିଯାଏ । ସଜନା ଛୁଇଁ ରେ କ୍ଲୋରୋଜେନିକ୍ ଏସିଡ୍ ଥାଏ, ଯାହା ଖାଦ୍ୟ ଖାଇବା ପରେ ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣରେ ରଖିଥାଏ ।
ସଜନା ପତ୍ର ଖାଇବା ଦ୍ୱାରା ଖରାପ କୋଲେଷ୍ଟ୍ରଲ୍ କମିଯାଏ । ଯଦି ତୁମର କୋଲେଷ୍ଟ୍ରଲ ବୃଦ୍ଧି ହୁଏ ତେବେ ଏହା ରକ୍ତ ନଳୀରେ ଜମାଟ ବାନ୍ଧିପାରେ ଏବଂ ହୃଦଘାତ ହେବାର ଆଶଙ୍କା ଥାଏ । ସେଥିପାଇଁ ସଜନା ଛୁଇଁ ଖାଇବା ଆପଣଙ୍କ ପାଇଁ ଲାଭଦାୟକ ହୋଇପାରେ ।
