ଭଞ୍ଜନଗର : ଶାଳିକୁ ଟାଙ୍ଗିଆରେ ହାଣି ଜୀବନ ନେଇଗଲେ ଭିଣୋଇ । ଜଗନ୍ନାଥପ୍ରସାଦ ଥାନା ଚଢିଆପଲ୍ଲୀରେ ଘଟିଛି ଜଘନ୍ୟକାଣ୍ଡ । ଜମିଜମା ବିବାଦରୁ ହତ୍ୟା କରିଥିବା ସୂଚନା ରହିଛି । ଅଭିଯୁ୍କ୍ତ ଫେରାର ଥିବାବେଳେ ପୋଲିସର ତଦନ୍ତ ଆରମ୍ଭ କରିଛନ୍ତି ।ଖବର ଅନୁଯାୟୀ, ଚଢ଼େୟା ପଲ୍ଲୀ ଗ୍ରାମର ବିଜୟଲକ୍ଷ୍ମୀ ତ୍ରିପାଠୀ ଘରେ ଥିଲେ । ଏହି ସମୟରେ ଭିଣୋଇ ହଠାତ୍ ଘର ଭିତରକୁ ପ୍ରବେଶ କରି ବିଜୟଲକ୍ଷ୍ମୀଙ୍କୁ ଆକ୍ରମଣ କରିଥିଲେ । ଯେଉଁଥିରେ ଅତି ବିଭତ୍ସ ଭାବେ ଶାଳୀକୁ ହତ୍ୟା କରିଛି ଭିଣୋଇ । ବର୍ତ୍ତମାନ ସୁଦ୍ଧା ହତ୍ୟାକାଣ୍ଡର ସଠିକ କାରଣ ଜଣାପଡିନଥିବା ବେଳେ ଜମିଜମା ବିବାଦରୁ ହତ୍ୟା କରାଯାଇଥିବା ଅନୁମାନ କରାଯାଉଛି । ସେପଟେ ପୋଲିସ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିବା ସହ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ଭଞ୍ଜନଗର ମେଡିକାଲକୁ ପଠାଇଛି ।
