ନୂଆଦିଲ୍ଲୀ : ପାକ୍କୁ ଲାଗିଛି ଆଉ ଏକ ବଡ଼ ଝଟକା । ୧୪ ମେ’ ରେ ବଲୁଚ୍ ଲେଖକ ଏବଂ ନେତା ମୀର ୟାର ବଲୁଚ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ବଲୁଚିସ୍ତାନର ସ୍ୱାଧୀନତା ଘୋଷଣା କରିଛନ୍ତି । ସେ କହିଛନ୍ତି ଯେ ବଲୁଚିସ୍ତାନର ଜନସାଧାରଣ ସେମାନଙ୍କର ନିଷ୍ପତ୍ତି ନେଇ ସାରିଛନ୍ତି, ବଲୁଚିସ୍ତାନ ଆଉ ପାକିସ୍ତାନର ଅଂଶ ନୁହେଁ । ତାଙ୍କୁ ସହଯୋଗ କରିବା ପାଇଁ ସେ ଭାରତ ସମେତ ବିଭିନ୍ନ ଦେଶର ସହାୟତା ମାଗିଛନ୍ତି । ସେ ନୂଆଦିଲ୍ଲୀରେ ଏକ ବଲୁଚ୍ ଦୂତାବାସ ଖୋଲିବା ପାଇଁ ଭାରତଠାରୁ ଅନୁମତି ମାଗିଥିଲେ ଏବଂ ଜାତିସଂଘ ବଲୁଚିସ୍ତାନକୁ ଗଣତାନ୍ତ୍ରିକ ସ୍ୱତନ୍ତ୍ରରାଷ୍ଟ୍ରର ମାନ୍ୟତା ସହ ମୂଦ୍ରା,ପାସପୋର୍ଟ ଓ ଅନ୍ୟାନ୍ୟ ସଂଶାଧନ ଦେବାକୁ ଦାବି କରିଛନ୍ତି । ମିର ୟାର ବଲୁଚ ନିଜର ଏକ୍ସ ଆକାଉଣ୍ଟରେ ଏକ ପୋଷ୍ଟ କରି ଭାରତକୁ ସପୋର୍ଟ ମଧ୍ୟ କରିଛନ୍ତି । ସେ ଲେଖିଛନ୍ତି, ବଲୁଚର ଜନସାଧାରଣ ଭାରତର ସପକ୍ଷରେ ଅଛନ୍ତି । ଚୀନ୍ ପାକିସ୍ତାନକୁ ସାହାଯ୍ୟ କରୁଛି କିନ୍ତୁ ବଲୁଚର ଲୋକମାନେ ଭାରତ ସରକାର ସହ ଅଛନ୍ତି । ମୋଦୀ ଜୀ ଆପଣ ଏକା ନୁହେଁ ବଲୁଚର ୬୦ ମିଲିୟନ ଦେଶପ୍ରେମୀ ଆପଣଙ୍କ ସହ ଅଛନ୍ତି ।
