ବର୍ଷ ବର୍ଷ ଧରି ଲୋକଙ୍କ ମନୋରଞ୍ଜନ କରିଆସୁଥିବା ଶୋ’ ଇଣ୍ଡିଆଜ ଗଟ୍ ଟ୍ୟାଲେଣ୍ଟର ୯ମ ସିଜନ୍ ଖୁବ୍ ଧମାଲ କରିଛି। ଗତକାଲି ରାତିରେ ଏହି ଶୋ’ର ଗ୍ରାଣ୍ଡ୍ ଫାଇନାଲ୍ ହୋଇଥିଲା। ଏହି ଶୋ’ର ଫାଇନାଲରେ ଦିବ୍ୟାଂଶ ଏବଂ ମନୁରାଜଙ୍କ ଯୋଡି ସମସ୍ତଙ୍କୁ ପଛରେ ପକାଇ ୱିନର୍ ଟାଇଟଲ୍ ନିଜ ନାମରେ କରିଛନ୍ତି। ଫାଇନାଲରେ, ଦିବ୍ୟାଂଶ ଏବଂ ମନୁରାଜ ବିଏସ୍ ରେଡ୍ଡି, ୱାରିଅର୍ ସ୍କ୍ୱାଡ୍, ବମ୍ ଫାୟାର୍ କ୍ରୁ ସମେତ ଅନେକ ପ୍ରତିଭାବାନ ବ୍ୟକ୍ତି ଏବଂ ଗ୍ରୁପକୁ ପଛରେ ପକାଇଛନ୍ତି। ସୋନି ଟିଭିର ଏହି ରିଆଲିଟି ଶୋ’ରେ ଶେଷରେ
ଇଣ୍ଡିଆଜେ ଗଟ୍ ଟ୍ୟାଲେଣ୍ଟର ଚମତ୍କାର ଟ୍ରଫି ସହିତ ଦିବ୍ୟାଂଶ-ମନୁରାଜଙ୍କୁ ଏକ କାର୍ ଏବଂ ପୁରସ୍କାର ରାଶି ଭାବରେ ୨୦ ଲକ୍ଷ ଟଙ୍କା ପ୍ରଦାନ କରାଯାଇଛି। ଶୋ’ର ପ୍ରଥମ ରନର୍ ଅପ୍ ଇଶିତା ବିଶ୍ୱକର୍ମାଙ୍କୁ ୫ ଲକ୍ଷ ଟଙ୍କା ଏବଂ ଦ୍ୱିତୀୟ ରନର୍ ଅପ୍ ବମ୍ ଫାୟାର୍ କ୍ରୁ ଗ୍ରୁପଙ୍କୁ ୫ ଲକ୍ଷ ଟଙ୍କା ପୁରସ୍କାର ରାଶି ପ୍ରଦାନ କରାଯାଇଛି।
