ପାଟନା : ୪୦ ଫୁଟର ବୋରୱେଲରେ ଖସିପଡିଲା ୩ ବର୍ଷର ଶିଶୁ ଶିବମ । ଖେଳୁଥିବା ସମୟରେ ବୋରୱେଲେ ରେ ଖସିପଡିଛି ଶିଶୁଟି । । ବିହାରର ନାଲନ୍ଦା ସ୍ଥିତ କୁଲ ଗାଁରେ ଘଟିଛି ଏହି ଘଟଣା । ୩ ବର୍ଷର ଶିଶୁଟି ବୋରୱେଲରେ ପଡ଼ିଯିବା ପରେ ଜାତୀୟ ବିପର୍ୟ୍ୟୟ ମୁକାବିଲା ଫୋର୍ସ (ଏନଡିଆରଏଫ) ଦଳ ଦ୍ୱାରା ଉଦ୍ଧାର କାର୍ୟ୍ୟ ଚାଲିଛି।
ସୂଚନା ଅନୁଯାୟୀ, ଜଣେ କୃଷକ ବୋରୱେଲ ଖୋଳିଥିଲେ କିନ୍ତୁ ଏହା ବନ୍ଦ ହୋଇନଥିଲା, ଫଳସ୍ୱରୂପ ଏହି ଦୁଃଖଦ ଘଟଣା ଘଟିଥିଲା। ଶିବମଙ୍କ ସହ ଖେଳୁଥିବା ପିଲାମାନେ ତାଙ୍କ ପିତାମାତାଙ୍କୁ ଏ ନେଇ ସୂଚନା ଦେଇଥିଲେ ଯାହା ପରେ ଉଦ୍ଧାର କାର୍ୟ୍ୟ ଆରମ୍ଭ ହୋଇଥିଲା। ଉଦ୍ଧାର କାର୍ୟ୍ୟରେ ନଗର ପଞ୍ଚାୟତ ଉପାଧ୍ୟକ୍ଷ ନାଲିନ ମୈାର୍ୟ୍ୟ ସହଯୋଗ କରୁଛନ୍ତି। ନାଲିନ ମୈାର୍ୟ୍ୟ କହିଛନ୍ତି, ” ଜଣେ ଚାଷୀ ଏହି ବୋରୱେଲଟି ତିଆରି କରିଥିଲେ। କିନ୍ତୁ ଏଠାରେ ପାଣି ନ ପଡିବାରୁ ସେ ଅନ୍ୟ ଏକ ସ୍ଥାନରେ ବୋରୱେଲ ଖୋଳିଲେ ଏବଂ ଏହି ବୋରୱେଲ ଟିକୁ ବନ୍ଦ କରି ନ ଥିଲେ ।
ସର୍କଲ ଅଧିକାରୀ ଶମ୍ଭୁ ମଣ୍ଡଳ କହିଥିଲେ ଯେ ପିଲାଟି ଜୀବିତ ଏବଂ ସେମାନେ ଶିଶୁଟିର ସ୍ୱର ଶୁଣିପାରୁଛନ୍ତି । ସେ କହିଛନ୍ତି, “ଆମେ ସୂଚନା ପାଇଲୁ ଯେ ଜଣେ ଶିଶୁ ବୋରୱେଲରେ ପଡ଼ିଯାଇଛି … ଆମେ ଶିଶୁକୁ ଉଦ୍ଧାର କରିବା ପାଇଁ ଯଥାସମ୍ଭବ ଚେଷ୍ଟା କରୁଛୁ। ପିଲାଟି ଜୀବିତ ଅଛି, ଆମେ ତା ସ୍ୱର ଶୁଣିପାରୁଛୁ । ଅମ୍ଳଜାନ ବିତରଣ କରିବା ଏବଂ ଶିଶୁକୁ ବାହାର କରିବା ପାଇଁ ଜେସିବି ମେସିନ୍ଗୁଡ଼ିକ କାର୍ଯ୍ୟରତ ରହିଛି । ପୋଲିସ ଅଧିକାରୀ ଦୀନେଶ କୁମାର ସିଂ କହିଛନ୍ତି ଯେ ଶିଶୁକୁ ସୁରକ୍ଷିତ ଭାବେ ବାହାରକୁ ଆଣିବା ପାଇଁ ଉଦ୍ୟମ କରାଯାଉଛି। ବରିଷ୍ଠ ଅଧିକାରୀଙ୍କୁ ମଧ୍ୟ ଏହି ଘଟଣା ସମ୍ପର୍କରେ ସୂଚନା ଦିଆଯାଇଛି। ଘଟଣା ସମ୍ପର୍କରେ ସୂଚନା ପାଇବା ପରେ ପାରସୋଟାମର ବହୁ ଅଧିକାରୀ ଘଟଣାସ୍ଥଳରେ ପହଞ୍ଚିଥିଲେ।
