ପଦ୍ମପୁର : ଜିଲ୍ଲା ମାନ୍ୟତା ଦାବିରେ ୧୨ ଘଣ୍ଟିଆ ପଦ୍ମପୁର ବନ୍ଦ ପାଳନ । ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ବିଭିନ୍ନ ସ୍ଥାନରେ ବନ୍ଦ । ଗାଇସିଲଟ, ପଦ୍ମପୁର, ଝାରବନ୍ଧ ଓ ପାଇକମାଳରେ ବନ୍ଦ ପାଳନ । ମୁଖ୍ୟମନ୍ତ୍ରୀଙ୍କ ପ୍ରତିଶ୍ରୁତି ସତ୍ତ୍ୱେ ଜିଲ୍ଲା ଘୋଷଣା ନ ହେବାରୁ ପ୍ରତିବାଦ । ସମଗ୍ର ପଦ୍ମପୁରରେ ବନ୍ଦ ପ୍ରଭାବ ପରିଲକ୍ଷିତ ହୋଇଛି। ଦୋକାନ ବଜାର ବନ୍ଦ ଥିବା ବେଳେ ରାସ୍ତା ପାର୍ଶ୍ବରେ ଯାନବାହାନ ଯାତାୟତ କରି ନ ପାରି ବନ୍ଦ ରହିଛି। ପଦ୍ମପୁର ସହରର ସମସ୍ତ ସଂଯୋଗୀକରଣ ରାସ୍ତା ବନ୍ଦ ରହିଛି। ଝାରବନ୍ଧ, ପାଇକମାଲ, ଧୁମାଭଟା, ଲଖମରା, ଦହିତା, ଗାଇସିଲେଟ, ମେଲଛାମୁଣ୍ତା, ଛିନ୍ଦେକେଲା, ଗୁଦେରପାଲି, କେରମେଲି, ବରତୁଣ୍ତା ଓ ଅନ୍ୟାନ୍ୟ ଗ୍ରାମାଞ୍ଚଳରେ ରାସ୍ତା ବନ୍ଦ କରାଯାଇଛି। ଅତ୍ୟାବଶ୍ୟକ ସେବା ବ୍ୟତୀତ ଅନ୍ୟ କୌଣସି କାରଣରେ ଯାନବାହାନ ଛଡା ଯାଉନାହିଁ। ଅନ୍ୟ ବନ୍ଦ ତୁଳନାରେ ଜିଲ୍ଲା ଦାବି ବନ୍ଦ ପ୍ରବଳ ପ୍ରଭାବଶାଳୀ ହୋଇଛି।
