ଦୁର୍ଘଟଣାରେ ଶିକାର ହୋଇ ମେଡିକାଲରେ ଚିକିତ୍ସିତ ହେବା ପରେ ସୁସ୍ଥ ହୋଇ ଘରକୁ ଫେରିଛନ୍ତି ବଲିଉଡ୍ ଅଭିନେତ୍ରୀ ମଲାଇକା ଆରୋରା। ଗତ ଏପ୍ରିଲ ୨ ତାରିଖରେ ସେ କାର ଦୁର୍ଘଟଣାରେ ସମ୍ମୁଖୀନ ହୋଇଥିଲେ। ପୁନେରୁ ଏକ ଫ୍ୟାଶନ ଇଭେଣ୍ଟ ସାରି ମୁମ୍ବାଇ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା। ତେବେ ସେ ସାମାନ୍ୟ ଆହତ ହୋଇ ହସ୍ପିଟାଲ୍ରେ ଭର୍ତ୍ତି ହୋଇଥିଲେ। ଏବେ ସେ ମେଡିକାଲରୁ ଡିସ୍ଚାର୍ଜ ହୋଇଛନ୍ତି। ସୁସ୍ଥ ହେବା ପରେ ପରିବାର ଏବଂ ତାଙ୍କ ଭଉଣୀ ଅମ୍ରିତା ଆରୋରା ତାଙ୍କ ଘରକୁ ଭେଟିବାକୁ ଯାଇଥିଲେ। ନିଜ ଭଉଣୀର ସ୍ୱାସ୍ଥ୍ୟ ସମ୍ପର୍କରେ ସୂଚନା ଦେଇଛନ୍ତି ଅମ୍ରିତା। ମଲାଇକା ସୁସ୍ଥ ଏବଂ ଘରେ ଅଛନ୍ତି ।ଏବେ ସେ ବିଶ୍ରାମ ନେଉଛନ୍ତି ବୋଲି ଅମ୍ରିତା ସୂଚନା ଦେଇଛନ୍ତି।
