ନୂଆଦିଲ୍ଲୀ : ଦିଲ୍ଲୀର ରେଖା ଗୁପ୍ତା ସରକାର ଶପଥ ନେବା ପରେ ଆକ୍ସନ ମୋଡରେ ଅଛନ୍ତି । ମୁଖ୍ୟମନ୍ତ୍ରୀ ଶୁକ୍ରବାର ଏକ ବଡ଼ ପ୍ରଶାସନିକ ଅଦଳବଦଳ କରିଛନ୍ତି । ଅଧିକାରୀ ଏବଂ କର୍ମଚାରୀମାନଙ୍କୁ ସେମାନଙ୍କର ମୂଳ ବିଭାଗରେ ରିପୋର୍ଟ କରିବାକୁ କୁହାଯାଇଛି । ପୂର୍ବତନ ମୁଖ୍ୟମନ୍ତ୍ରୀ ଏବଂ ମନ୍ତ୍ରୀମାନଙ୍କ ବ୍ୟକ୍ତିଗତ ଷ୍ଟାଫ୍ଙ୍କ ସେବା ମଧ୍ୟ ସମାପ୍ତ କରାଯାଇଛି । ଏମିତିରେ ଗତ ୨୪ ଘଣ୍ଟା ମଧ୍ୟରେ ଦିଲ୍ଲୀ ସରକାର ପାଞ୍ଚଟି ବଡ଼ ନିଷ୍ପତ୍ତି ନେଇଛନ୍ତି ।
ଦିଲ୍ଲୀ ସରକାରଙ୍କ ସ୍ୱାସ୍ଥ୍ୟ ଏବଂ ପରିବହନ ମନ୍ତ୍ରୀ ଡା. ପଙ୍କଜ ସିଂ କହିଛନ୍ତି ଯେ ଆଜି ସେ ଏକ ଗୁରୁତ୍ୱପୂର୍ଣ୍ଣ ବୈଠକ ଡାକିଛନ୍ତି । ସ୍ୱାସ୍ଥ୍ୟ ବିଭାଗର ଅବସ୍ଥା ବହୁତ ଖରାପ । ସେ କହିଛନ୍ତି, ମୋହଲ୍ଲା କ୍ଲିନିକଗୁଡ଼ିକର ଯାଞ୍ଚ କରାଯିବ । ଔଷଧ ଅଭାବଠାରୁ ଆରମ୍ଭ କରି ଡାକ୍ତରଙ୍କ ପ୍ରେସକ୍ରିପସନ୍ ପର୍ୟ୍ୟନ୍ତ ସବୁକିଛିର ତଦନ୍ତ କରାଯିବ । ଯଦି କୌଣସି ଅନିୟମିତତା ମିଳେ, ତେବେ କାର୍ୟ୍ୟାନୁଷ୍ଠାନ ନିଆଯିବ ।
