ଭୁବନେଶ୍ୱର : ଆରମ୍ଭ ହୋଇଯାଇଛି ଶକ୍ତିପୀଠରେ ନବରାତ୍ର ପୂଜା । ଦୁର୍ଗତିନାଶିନୀ ମା ଦୁର୍ଗାଙ୍କ ଆଗମନ ପାଇଁ ଉଲ୍ଲସିତ ହେଲାଣି ଧରାପୃଷ୍ଠ । ଚଣ୍ଡିପାଠରେ ପ୍ରକମ୍ପିତ ହେଉଛି ପରିବେଶ । ଶୋଡ଼ଷ ଉପଚାରରେ ହେଉଛି ମାଆଙ୍କ ନୀତିକାନ୍ତି । ଷୋଡଶ ଉପଚାର ପୂଜା ପାଇଁ ଠାକୁରାଣୀଙ୍କୁ ପ୍ରତିଦିନ ଭିନ୍ନ ଭିନ୍ନ ବେଶରେ ସଜ୍ଜିତ କରାଯାଉଛି । ଆଜି ଷୋଡ଼ଶୀ ବେଶରେ ଦର୍ଶନ ଦେଉଛନ୍ତି ମାଆ କଟକ ଚଣ୍ଡି । ସେପଟେ ସମ୍ବଲପୁରରେ ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି ମାଆ । ମଣ୍ଡପରେ ପୂଜା ପାଇଁ ଚାଲିଛି ଜୋରଦାର ପ୍ରସ୍ତୁତି ।ମୃଣ୍ମୟ ମୃର୍ତ୍ତିରେ ରଙ୍ଗ ଚଢାଉଛନ୍ତି କାରିଗର । କାରିଗର ମାନେ ମାଆ ଦୁର୍ଗାଙ୍କ ସହ ପାଶ୍ବ ଦେବଦବୀଙ୍କ ରଙ୍ଗକାମ ଆରମ୍ଭ କରିଛନ୍ତି । ଦୁଇଦିନ ମଧ୍ୟରେ ରଙ୍ଗକାମ ସରିବା ପରେ ପଞ୍ଚମୀ ପୂର୍ବରୁ ନୂଆ ବସ୍ତ୍ର ଓ ଅଳଙ୍କାର ଲାଗି କରାଯିବ । ସେପଟେ ଚଳିତ ମାସ ୨୪ ତାରିଖରେ ହେଉଛି ଦଶହରା । ସେଥିପାଇଁ କାରିଗର ମାନେ ଆଗୁଆ ପ୍ରସ୍ତୁତି କଲେଣି । ଧରାପୃଷ୍ଠରେ ମାଙ୍କୁ ସ୍ୱାଗତ ଜଣାଇବାକୁ ହସିଲାଣି କାଶତଣ୍ଡି ଫୁଲ । ଯେଉଁ ଆଡେ ଦେଖ ଏବେ କେବଳ ହସୁଛି କାଶତଣ୍ଡି ।
