ଧର୍ମଶାଳା : କମେଣ୍ଟ ମାରିବା ପଡିଲା ମହଙ୍ଗା । ରୋଡ ରୋମିଓକୁ ଉତ୍ତମ ମଧ୍ୟମ ଦେଇ ପୋଲିସ ଜିମା ଦେଲେ ସ୍ଥାନୀୟ ଲୋକେ। ଆଜି ଏପରି ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ଥାନା କାନପୁର ଛକ ନିକଟରେ। ଥାନୁଆଳ ପଞ୍ଚାୟତ ଅନ୍ତର୍ଗତ ଗୁଆରଙ୍ଗ ଗାଁ ର କିଛି କଲେଜ ଛାତ୍ରୀଙ୍କୁ ଏହି ଅସାମାଜିକ ଯୁବକ ଗ୍ୟାଙ୍ଗ ବାଟରେ କମେଣ୍ଟ ମାରିବା ସହ ଜୋରଜବରଦସ୍ତି ଫୋନ୍ ନମ୍ୱର୍ ମାଗିବା ସହ ମାରିବାକୁ ଧମକ ଦେଉଥିଲେ। ଏ ନେଇ ଛାତ୍ରୀ ମାନେ ନିଜ ଘରେ ଜଣାଇଥିବା ବେଳେ ଆଜି ସେହି ଯୁବକ ମାନେ ପୁଣି ପିଛା କରି ଅସଦାଚରଣ କରିଥିବା ବେଳେ ଧରା ପଡି ନିସ୍ତୁକ ମାଡ଼ ଖାଇବା ସହ ପୋଲିସ ସେମାନଙ୍କୁ ଥାନାକୁ ନେଇ ଯାଇଛି। ତେବେ ଗତକାଲି ଧର୍ମଶାଳା ନିକଟ ମଙ୍ଗଳପୁର ଗ୍ରାମର ଜଣେ ସ୍କୁଲ ଛାତ୍ରୀଙ୍କୁ ମଧ୍ୟ ଏହି ଗ୍ୟାଙ୍ଗ ଆକ୍ରମଣ କରିବାକୁ ଉଦ୍ୟମ କରିଥିଲେ। ଏହି ଯୁବକ ମାନେ କାନପୁର ଛକରେ ଅଟକ ଥିବା ଜାଣି ସେମାନେ ଏକ ବୋଲେରୋ ଗାଡି ରେ ପହଞ୍ଚିବା ପରେ ଯୁବକ ମାନଙ୍କୁ ଆକ୍ରମଣ ଉଦ୍ୟମ କରିଥିବା ବେଳେ ପୋଲିସ ସହ ଧସ୍ତାଧସ୍ତି ହୋଇଥିଲା। କିଛି ସମୟ ପାଇଁ କାନପୁର ଛକ ଲୋକାରଣ୍ୟ ହେବା ସହ ଦୁଇ ଅସାମାଜିକ ଯୁବକକୁ ପୋଲିସ ଉତ୍ୟକ୍ତ ଲୋକଙ୍କ କବଳରୁ ଉଦ୍ଧାର କରି ଥାନା କୁ ନେଇଛି। ଯୁବକ ମାନେ ବ୍ୟବହାର କରୁଥିବା ଏକ ବା ଇ କି କୁ ଲୋକେ ଜବତ କରିଛନ୍ତି।ପୋଲିସ ଥାନା କୁ ଆଣି ଅଟକ ରଖିବା ସହିତ ଏସଡିପିଓ ସଞ୍ଜୟ କୁମାର ପଟନାୟକ ତଦନ୍ତ ଜାରି ରଖିଛନ୍ତି ।
