ପୁରୀ : ଆଜି ରାତି ୧୦ରୁ କାଲି ଦିନ ୨ ଯାଏଁ ଦର୍ଶନ ବନ୍ଦ । ସ୍ନାନପୂର୍ଣ୍ଣିମା ନୀତିକୁ ନେଇ ଆରମ୍ଭ ହେଲା ପ୍ରସ୍ତୁତି । ଏ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା । ହାପ୍ରଭୁଙ୍କ ପବିତ୍ର ସ୍ନାନ ଯାତ୍ରା ଉଦ୍ଦେଶ୍ୟରେ ଚାରମାଳ ବନ୍ଧା ତଥା ସେନାପଟା ଲାଗି ନୀତି ଆଜି ଅନୁଷ୍ଠିତ ହେବ । ଆଜି ଜ୍ୟେଷ୍ଠ ଶୁକ୍ଳ ତ୍ରୟୋଦଶୀ ତିଥିରେ ଆଜି ରାତି ୧୦ଟାରୁ ଆସନ୍ତାକାଲି ( ଶନିବାର) ଅପରାହ୍ନ ୨ଟା ପର୍ୟ୍ୟନ୍ତ ଶ୍ରୀ ବିଗ୍ରହମାନଙ୍କ ସର୍ବସାଧାରଣ ଦର୍ଶନ ବନ୍ଦ ରହିବ । ଅନ୍ୟପଟେ, ଦେବସ୍ନାନ ପୂର୍ଣ୍ଣିମାକୁ ଆଖି ଆଗରେ ରଖି ସୁରକ୍ଷା ଓ ଟ୍ରାଫିକ୍ ବ୍ୟବସ୍ଥା ଉପରେ କଡ଼ା ନଜର ରଖାଯାଇଛି। ଭିଡ଼କୁ ନଜରରେ ରଖି ଚଳିତବର୍ଷ ଦେବସ୍ନାନ ପୂର୍ଣ୍ଣିମାରେ ୭୫ ପ୍ଲାଟୁନ୍ ପୁଲିସ ଫୋର୍ସ ନିୟୋଜିତ ହେବେ। ଏହି ପୁଲିସ ଫୋର୍ସଙ୍କୁ ବରିଷ୍ଠ ପୁଲିସ ଅଧିକାରୀମାନେ ନିୟନ୍ତ୍ରଣ କରିବେ।
