ଭୁବନେଶ୍ୱର : ରତ୍ନଭଣ୍ଡାର ନେଇ ବରିଷ୍ଠ ବିଜେପି ନେତା ବିଜୟ ମହାପାତ୍ରଙ୍କ ଉଦବେଗ । ଆଇନ ମନ୍ତ୍ରୀ କହୁଛନ୍ତି ରତ୍ନଭଣ୍ଡାର ଚାବି ହଜିଛି ନା ନାହିଁ ଜାଣି ନାହାନ୍ତି । ରାଜ୍ୟବାସୀ ଜାଣିଛନ୍ତି ଚାବି ହଜି ଥିଲା , ପରେ ନକଲି ଚାବି ମିଳିଛି । ସରକାର କମିଶନ ବି ଗଠନ କରିଛନ୍ତି , ମନ୍ତ୍ରୀ କେମିତି ଏଭଳି କହିଲେ । ରତ୍ନଭଣ୍ଡାର ସରକାରୀ ସମ୍ପତ୍ତି ନୁହେଁ , ମହାପ୍ରଭୁ ଜଗନ୍ନାଥଙ୍କ ସମ୍ପତ୍ତି । ୧୯୨୬, ୧୯୭୮ରେ ରତ୍ନଭଣ୍ଡାର ଅଳଙ୍କାର ଗଣତି ହୋଇଛି । ସରକାର ରତ୍ନଭଣ୍ଡାରର ମାର୍ଫତଦାର , ମାଲିକ ନୁହଁନ୍ତି । ୨୦୨୧ରେ ୩ କୋଟିର ସୁନା ଅଳଙ୍କାର ଜଣେ ଭକ୍ତ ଦାନ କରିଛନ୍ତି । ସେ କେଉଁ କାମରେ ଲାଗୁଛି ତାହା ଜାଣିବା ଲୋକଙ୍କ ଅଧିକାର । ପୂର୍ବରୁ କେତେ ଥିଲା , ଏବେ କେତେ ଦାନ ମିଳିଲା , ଜାଣିବା ଦରକାର । ମୋର ମତ ଆଉ ବିଳମ୍ବ ନ କରି ତୁରନ୍ତ ଗଣନା କରନ୍ତୁ ବୋଲି କହିଛନ୍ତି ବିଜୟ ମହାପାତ୍ର । ସରକାରଙ୍କୁ ପରାମର୍ଶ ରତ୍ନଭଣ୍ଡାର ଖୋଲିବା ତାରିଖ ଘୋଷଣା କରନ୍ତୁ । ତେବେ ଗତ କିଛି ଦିନ ଧରି ରତ୍ନ ଭଣ୍ଡାର ଖୋଲିବା ନେଇ ଅନେକ ତର୍କ ବିତର୍କ ଲାଗି ରହିଛି ।
