ନୂଆଦିଲ୍ଲୀ : ମିଶନ ୨୦୨୪ ଲୋକସଭା ନିର୍ବାଚନ ପୂର୍ବରୁ ବିଜେପିର ବଡ ବୈଠକ । ବିଜେପି ଅଧ୍ୟକ୍ଷ ଜେପି ନଡ୍ଡା ୩ ମାସ ମଧ୍ୟରେ ୧୦ ଲକ୍ଷ ପରିବାର ସହ ଯୋଡି ହେବା ନେଇ ଲକ୍ଷ୍ୟ ରଖିଛନ୍ତି । ବିଜେପିର ନଜର ମୁସଲିମ ସଂପ୍ରଦାୟ ଉପରେ ରହିଛି । ମୁସଲିମ ସମାଜର ଉଚ୍ଚ ଶିକ୍ଷିତ ପରିବାର ବର୍ଗଙ୍କ ଛଡ ନିମ୍ନ , ମଧ୍ୟବିତ୍ତ ଓ ତଳ ଶ୍ରେଣୀ ପିବାର ବର୍ଗଙ୍କ ସହ ସମ୍ପର୍କ ସ୍ଥାପନା କରିବା ଲକ୍ଷ୍ୟରେ ରହିଛି ବିଜେପି । ଆଗାମୀ ୩ ମାସ ମଧ୍ୟରେ ବିଜେପି ନିଜର ରଣନୀତି ପ୍ରସ୍ତୁତ କରିବ । ଭୋଟରଙ୍କୁ ଆକୃଷ୍ଟ କରିବାକୁ ବିଜେପି ନୂଆ ରଣନୀତିକୁ ଆପଣାଇବ ।
ଏହି ବୈଠକରେ ବିଜେପିର ୭ ଜଣ ଅଧ୍ୟକ୍ଷ, ୨୧ ମହାମନ୍ତ୍ରୀ , ୭ କାର୍ଯ୍ୟାଳୟ ଅଧ୍ୟକ୍ଷଙ୍କ ସହ ସମସ୍ତ ପ୍ରଭାରୀ ମହାମନ୍ତ୍ରୀ ବିନୋଦ ତାୱଡେ , ଦୃଷ୍ୟନ୍ତ ଗୈାତମ ସାମିଲ ହୋଇଛନ୍ତି । ଗତ ୧ ମାସ ଧରି ଚାଲିଥିବା ମହାଜନସମ୍ପର୍କ ଅଭିଯାନକୁ ନେଇ ଫିଡ ବ୍ୟାକ ମଧ୍ୟ ନିଆଯାଇଥିଲା । ଏହା ସହ ଲୋକସଭା ଏବଂ ବିଧାନସଭା ନିର୍ବାଚନକୁ ଆଖିଆଗରେ ରଖି କିଭଳି ଭାବେ ରୋଡମ୍ୟାପ ପ୍ରସ୍ତୁତ ହେବ ସେ ନେଇ ଆଲୋଚନା ହୋଇଛି ।
ଉଲ୍ଲେଖନୀୟ ବିଷୟ ହେଉଛି, ବହୁ ସଂଖ୍ୟକ ମୁସଲମାନ ପସମାନ୍ଦାମୁସଲମାନ ଅଟନ୍ତି। ପସମାନ୍ଦା ହେଉଛି ଏକ ପାର୍ସୀ ଶବ୍ଦ । ପସମାନ୍ଦା ଅର୍ଥାତ ଯେଉଁମାନେ ପଛରେ ରହିଯାଇଛନ୍ତି, ଚାପି ହୋଇଛନ୍ତି କିମ୍ବା ନିର୍ୟ୍ୟାତିତ ହୋଇଛନ୍ତି । ପସମାନ୍ଦା ମୁସଲମାନମାନଙ୍କୁ ଟାର୍ଗେଟ କରିବାକୁ ବିଜେପି ଚେଷ୍ଟା କରୁଛି। ଏହାକୁ ଦୃଷ୍ଟିରେ ରଖି ୟୁନିଫର୍ମ ସିଭିଲ କୋଡର ପ୍ରସଙ୍ଗ ମଧ୍ୟ ଉଠାଯାଇଛି। ନିକଟରେ ଭୋପାଳରେ ଏକ ରାଲିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହା ଉଲ୍ଲେଖ କରିଛନ୍ତି।
