ସତରେ କଣ ଦଇବ ହୋଇପାରେ ଏତେ ନିଷ୍ଠୁର । ସତରେ କଣ ଏଠାରେ ପ୍ରଶାସନ ମଜା ନେବାକୁ ବଜାଇ ପାରେ ତାଳି । ହଁ ଆଜ୍ଞା ଯାହର ବାସ୍ତବ ଚିତ୍ର ଦେଖିଲେ ଆପଣ ବି ହୋଇଯିବେ ଚକିତ । ଆମେ କହୁଛୁ ୍ାଜପୁର ଜିଲ୍ଲାରେ ଏକଦା ଗଡ ଅକ୍ତିଆର କରି ଆସୁଥିବା ପ୍ରଫୁଲ୍ଲ ଘଡେଇଙ୍କ ଅଞ୍ଚଳ ଅଥବା ଆଜିର ଗ୍ରାମ୍ୟ ଉନ୍ନୟନ ଓ ଦକ୍ଷତା ବିକାଶ ମନ୍ତ୍ରୀ ପ୍ରୀତିରଂଜନ ଘଡେଇଙ୍କ ନିର୍ବାଚନ ମଣ୍ଡଳୀ ସୁକିନ୍ଦା କଳିଙ୍ଗ ନଗର ଅଞ୍ଚଳର କଥା ।
ଦାନଗଦି ବ୍ଲକ୍ ଚାନ୍ଦିଆ ପଞ୍ଚାୟତ ଭିତରମାଣିଆ ଗାଁର ବରଜୁ ସାଏ ପରପାରିକୁ ଚାଲିଯିବା ପରେ ଏକ ୮ ବର୍ଷର ଝିଅ ତୁଳସୀ ଓ ଚାରି ବର୍ଷର ପୁଅ କାଇରା ଓ ସବାଶେଷ ୨ ବର୍ଷର ଝିଅ ସୁମୀକୁ ନେଇ ଦୁଃଖେ କଷ୍ଟେ ଚଳି ଆସୁଥିଲେ ବରଜୁଙ୍କ ବିଧବା ପତ୍ନୀ । ମାତ୍ର ଏହି ନିଷ୍ପାପ ଶିଶୁଙ୍କ ବାଗ୍ୟରେ ପୁଣି ଘୋଟିଥରଲା କଳାବାଦଲର ଛାୟା । ୧ବର୍ଷ ପୂର୍ବେ ମାଆ ମଧ୍ୟ ଏମାମନଙ୍କୁ ଛାଡି କାହା ସହ ଚାଲିଯିବା ପରେ ସଂପୁର୍ଣ୍ଣ ବେସାହାରା ହୋଇପଡିଲେ ଏହି ନିଷ୍ପାପ ଶିଶୁ ମାନେ । ଚାଳଛପର ଘର ମଧ୍ୟରେ ପେଟ ଚାଖଣ୍ଡର ଚିନ୍ତା ଭାରି ପଡିଲା ବଡ ଝିଅ ତୁଳସୀକୁ ।
ସାନ ଛୋଟ ଭାଇ ଭଉଣିକୁ ନେଇ କିପରି ଚଳିବ ତାହାକୁ ନେଇ ଚିନ୍ତାରେ ପଡିଥିବା ବେଳେ ସାହି ପଡିଶାଙ୍କ ସାହାଯ୍ୟ ସହଯୋଗରେ ଅଳ୍ପ ବହୁତ ପେଟ ଚାଖଣ୍ଡେ କେବେ କେବେ ଶାନ୍ତି ପାଉଛି ସତ କେବେ କେବେ ଉପବାସ । ପ୍ରଶାସନିକ ସ୍ତରର କଥା କହିଲେ ସ୍ଥାନୀୟ ସିଡିପିଓ ଦେବକୀ ପାତ୍ର ଯାହା କୁହାନ୍ତି ତାହା ମଧ୍ୟ ଅତି ହାସ୍ୟସ୍ପଦ । ମାଳ ମାଳ ବିଭାଗୀୟ ବାବୁ ଓ ବାବୁଆଣି ମାନେ ଥାଇ ସିଡିପିଓ ଶ୍ରୀମତୀ ପାତ୍ର କୁହାନ୍ତି ଯେ ସେ ଗଣମାଧ୍ୟମ ଠାରୁ ଖବର ପାଇଲେ ତଦନ୍ତ ପରେ ଗ୍ରହଣ କରିବେ ପଦକ୍ଷେପ ।
ତେବେ ଏଟାରେ ପ୍ରଶ୍ନ ଉଠେ କାହିଁକି ରହିଛି ସମନ୍ନିତ ଶିଶୁ ବିକାଶ ବିଭାଗ ? କାହିଁକି ଖର୍ଚ୍ଚ ହେଉଛି ଏନେଇ କୋଟି କୋଟି ଟଙ୍କା ? ଯାହାକୁ ନେଇ ଏବେ ନାନା ପ୍ରଶ୍ନ ଉବା କରିଥିବା ବେଳେ କେବେ ଦୃଷ୍ଟି ପଡୁଛି ପ୍ରଶାସନର ଓ କେବେ ସୁଧୁରୁଛି ଏହି ୩ ନିଷ୍ପାପ ଶିଶୁଙ୍କ ଭାଗ୍ୟ ତାହାକୁ ରହିଛି ଅପେକ୍ଷା ।
ରିପୋର୍ଟ ତୁଷାର ରଂଜନ ସାହୁ
ଜିଲ୍ଲା ପ୍ରତିନିଧି ଶପଥ ନ୍ୟୁଜ ।
