ଭୁବନେଶ୍ବର : ଭୁବନେଶ୍ବର ମଧ୍ୟ ନିର୍ବାଚନମଣ୍ଡଳୀରେ ଏବେ ଦ୍ୱନ୍ଦ ଲାଗିରହିଛି । ବିଜେଡି ଟିକେଟ୍ ଘୋଷଣାରେ ବିଳମ୍ବ ହେଉଛି। ଯେତିକି ବିଳମ୍ବ ହେଉଛି, ସ୍ଥିତି ସେତିକି ବିଗିଡ଼ିବାରେ ଲାଗିଛି। ବିଧାୟକ ଅନନ୍ତ ନାରାୟଣ ଜେନା(ବୁନୁ)ଙ୍କୁ ସହଜରେ ବାଟ ଛାଡ଼ିବାକୁ ପ୍ରସ୍ତୁତ ନାହାନ୍ତି ତାଙ୍କ ବିରୋଧୀ। କର୍ପୋରେଟର୍ ଅମରେଶ ଜେନା(ବାଇଁଆ) ବୁନୁଙ୍କ ବିରୋଧୀ ଭାବେ ଜଣାଶୁଣା ପୂର୍ବତନ କର୍ପୋରେଟରଙ୍କୁ ଏକାଠି କରି ଟିକେଟ ପାଇଁ ନିଜର ଅଭିଯାନ ଜାରି ରଖିଛନ୍ତି। କିନ୍ତୁ ବୁନୁ ପୁନର୍ବାର ଟିକେଟ ନେବେ ବୋଲି ଚର୍ଚ୍ଚା ଜୋର୍ ଧରୁଥିବାରୁ ଅସନ୍ତୁଷ୍ଟମାନେ ବିକଳ୍ପ ବାଟ ବାହାର କଲେଣି। ଗତକାଲି ବିଳମ୍ବିତ ରାତିରେ ୧୧ ଜଣ ପୂର୍ବତନ କର୍ପୋରେଟର ସାଂସଦ ଅପରାଜିତା ଷଡ଼ଙ୍ଗୀଙ୍କୁ ଭେଟି ପ୍ରାରମ୍ଭିକ ଆଲୋଚନା କରିଛନ୍ତି। ବୁନୁଙ୍କୁ ବିଜେଡି ଟିକେଟ ମିଳିଲେ ସେମାନେ ସିଧା ବିଜେପିରେ ମିଶିବେ ବୋଲି ଚେତାବନୀ ଦେଇଛନ୍ତି। ତେବେ ବିଜେଡିରୁ କିଏ ହେବେ ପ୍ରାର୍ଥୀ ଦଳ କାହାକୁ ଦେବ ଟିକେଟ ବୁନୁଙ୍କୁ ନା କିଏ ନୂଆ ଚେହେରା ହେବେ ପ୍ରାର୍ଥୀ ତା ଉପରେ ରହିଛି ସମସ୍ତଙ୍କ ନଜର ।
