ତେଲେଙ୍ଗାନା : ତେଲେଙ୍ଗାନାର ରଙ୍ଗାରେଡ୍ଡି ଜିଲ୍ଲାର ଶାଦ ନଗର ଛକରେ ଘଟିଛି ଭୟଙ୍କର ଦୁର୍ଘଟଣା । ଏକ ଟ୍ୟାଙ୍କର ଟ୍ରକ ଅସାବଧାନାତା ଯୋଗୁଁ ବାଇକକୁ ଧକ୍କା ଦେଇଥିଲା । ଫଳରେ ମାଚେନ୍ଦର ଏବଂ ତାଙ୍କ ଝିଅ ମୈତ୍ରୀଙ୍କର ମୃତ୍ୟୁ ହୋଇଥିଲା । ଆଜି ସକାଳେ ଘଟିଛି ଏପରି ମର୍ମନ୍ତୁଦ ଦୁର୍ଘଟଣା ।
ଏହି ଘଟଣାରେ ମଛେନ୍ଦର ତୁରନ୍ତ ମୃତ୍ୟୁବରଣ କରିଥିଲେ କିନ୍ତୁ ମୈତ୍ରୀ ଟାୟାର ତଳେ ଫସି ଯାଇଥିଲେ । ସେ କିଛି ସମୟ ପାଇଁ କାନ୍ଦି କାନ୍ଦି ସାହାଯ୍ୟ ପାଇଁ ନିବେଦନ କରିଥିଲେ । ତା’ପରେ ସେ ସେଠାରେ ଉପସ୍ଥିତ ତୈୟବ ନାମକ ଜଣେ ବ୍ୟକ୍ତିଙ୍କୁ ତାଙ୍କର ଫୋନ୍ ଦେଇଥିଲେ ଏବଂ ତାଙ୍କ ପରିବାର ସଦସ୍ୟଙ୍କୁ ଫୋନ୍ କରିବାକୁ ଅନୁରୋଧ କରିଥିଲେ । ଏହା ଶୁଣି ସେଠାରେ ଉପସ୍ଥିତ ଲୋକଙ୍କ ଆଖି ଲୁହ ହୋଇଗଲା । ତୈୟବ ମୈତ୍ରୀଙ୍କ ଫୋନ୍ ରୁ ତାଙ୍କ ପରିବାରକୁ ଫୋନ୍ କରିବାକୁ ଯାଉଥିଲେ କିନ୍ତୁ ପରେ ମୈତ୍ରୀଙ୍କ ବନ୍ଧୁ ଫୋନ୍ କଲେ ଏବଂ ତାଙ୍କ ସାହାଯ୍ୟରେ ପରିବାରକୁ ଘଟଣା ବିଷୟରେ ଜଣାଇଲେ । କିଛି ସମୟ ପରେ ମୈତ୍ରୀଙ୍କ ମଧ୍ୟ ମୃତ୍ୟୁ ହୋଇଗଲା । ଟ୍ରକ୍ ଡ୍ରାଇଭରକୁ ଶାଦ ନଗର ପୋଲିସ ହେପାଜତକୁ ନେଇଛି ।
