ନୂଆଦିଲ୍ଲୀ : ଉତ୍ତର ଇଂଲଣ୍ଡର ଏକ ହସ୍ପିଟାଲରେ କାର୍ୟ୍ୟ କରୁଥିବା ଜଣେ ଭାରତୀୟ ମୂଳ ଶିଶୁ ବିଶେଷଜ୍ଞ ଶୁକ୍ରବାର ଦିନ ବ୍ରିଟିଶ କୋର୍ଟ ଦ୍ୱାରା ୭ ଜଣ ଶିଶୁଙ୍କୁ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇଥିବା ଜଣେ ନର୍ସଙ୍କୁ ଚିହ୍ନଟ କରିଥିଲେ। ଚେଷ୍ଟରର କାଉଣ୍ଟେସ୍ ଅଫ୍ ଚେଷ୍ଟର ହସ୍ପିଟାଲର ଡାକ୍ତର ରବି ଜୟରାମ କହିଛନ୍ତି ଯେ ଯଦି ପୂର୍ବତନ ନର୍ସଙ୍କ ବିଷୟରେ ତାଙ୍କର ଚିନ୍ତାଧାରାକୁ ଧ୍ୟାନ ଦିଆଯାଇଥାନ୍ତା ଏବଂ ପୋଲିସ ସୂଚନା ଦେଇଥାନ୍ତା ତେବେ କିଛି ଶିଶୁଙ୍କ ଜୀବନ ରକ୍ଷା ହୋଇଥାନ୍ତା। ମଞ୍ଚେଷ୍ଟର କ୍ରାଉନ୍ କୋର୍ଟର ଏକ ଖଣ୍ଡପୀଠ ଶୁକ୍ରବାର ଦିନ ନର୍ସ ଲୁସି ଲେଟବୀଙ୍କୁ ୩୩ ଜଣ ନବଜାତ ଶିଶୁର ହତ୍ୟା ଏବଂ ଅନ୍ୟ ୬ ଜଣଙ୍କ ହତ୍ୟା ଉଦ୍ୟମରେ ଦୋଷୀ ସାବ୍ୟସ୍ତ କରିଛନ୍ତି। ସୋମବାର ତାଙ୍କୁ ଏହି କୋର୍ଟରେ ଦଣ୍ଡିତ କରାଯିବ। ମହିଳା ନର୍ସ ଜଣକ ପିଲାଙ୍କୁ ମାରିବା ପାଇଁ ନବଜାତକଙ୍କ ଶିରାରେ ପବନ ଏବଂ ଇନସୁଲିନ ଦେଉଥିଲେ । ଏହାଛଡା ଅତ୍ୟଧିକ ମାତ୍ରାରେ କ୍ଷୀର ଏବଂ ତରଳ ପଦାର୍ଥ ଖାଇବାକୁ ଦେଇଥିଲେ । ଗତବର୍ଷ ଅକ୍ଟୋବରରୁ ମହିଳା ନର୍ସଙ୍କ ନାମରେ ମକଦ୍ଦମା ଚାଲିଥିଲା ।
ମାଞ୍ଚେଷ୍ଟର୍ କ୍ରାଉନ୍ କୋର୍ଟ ୩୩ ବର୍ଷୀୟ ଲୁସି ଲେଟବୀ ଙ୍କୁ ହତ୍ୟା ଓ ହତ୍ୟା ଉଦ୍ୟମ ମାମଲାରେ ଦୋଷୀ ସାବ୍ୟସ୍ତ କରିଛନ୍ତି। ସୋମବାର ଦିନ ଏହି ଅଦାଲତ ତାଙ୍କୁ ଦଣ୍ଡାଦେଶ ଦେବେ। ହସ୍ପିଟାଲ୍ର ପ୍ରସବ ୟୁନିଟରେ ୨୦୧୫ ଜୁନରୁ ୨୦୧୬ ଜୁନ୍ ମଧ୍ୟରେ କ୍ରମାଗତ ନବଜାତ ଶିଶୁ ମୃତ୍ୟୁ ଘଟିବାରୁ ନର୍ସ ଲୁସି ଲେଟବୀଙ୍କୁ ଗିରଫ କରାଯାଇଥିଲା। ଏଥିରେ ତାଙ୍କର ସମ୍ପୃକ୍ତି ନାହିଁ ବୋଲି ଲୁସି ଅଗ୍ରାହ୍ୟ କରିଥିଲେ। ୨୦୧୭ରେ ଯାଇ ଡାକ୍ତରମାନଙ୍କ କଥାକୁ ବିଶ୍ବାସ କରି ସେମାନଙ୍କୁ ପୋଲିସରେ ଅଭିଯୋଗ କରିବାକୁ ଅନୁମତି ଦିଆଯାଇଥିଲା ।
