ପୁରୀ : ଧରାପଡିଲା ବ୍ରାଉନ୍ସୁଗର ମାଫିଆ । ମାଫିଆ ଫିରୋଜ ଖାନ୍ ସହ ଏହି ମାମଲାରେ ସାମିଲ୍ ଥିବା ଅନ୍ୟ ୪ଜଣଙ୍କୁ ଗିରଫ୍ କରିଛି ପୁରୀ ପୋଲିସ୍ । ସୂଚନା ଅନୁଯାୟୀ ସୋମବାର ରାତିରେ ବ୍ରାଉନ୍ସୁଗର ବିକ୍ରି କରିବା ପାଇଁ ଫିରୋଜ ଖାନ୍ ସହ ଏହି ତିନି ଅଭିଯୁକ୍ତ ପୁରୀ ଆସିଥିଲେ । ଏହି ସମୟରେ ମାଟିତୋଟା ପଡିଆଠାରେ ପୁରୀ ବାସେଳୀ ସାହି ଥାନା ପୋଲିସ ଓ ଏସଟିଏଫର ମିଳିତ ଚଢାଉ କରି ଏମାନଙ୍କୁ ଗିରଫ କରିବା ସହ ୩୫୯ ଗ୍ରାମ ବ୍ରାଉନସୁଗାର ସହ ୧୭ ହଜାର ନଗଦ ଟଙ୍କା, ୩ଟି ମୋଟର ସାଇକେଲ, ୫ଟି ମୋବାଇଲ ଜବତ କରିଛି। ଗିରଫ ଅଭିଯୁକ୍ତମାନେ ହେଲେ କଟକ ଦୁର୍ଗା ବଜାର ଅଞ୍ଚଳର ଫିରୋଜ ଖାନ୍, ପିପିଲି ଦେବୀ ଗଳିର ପପୁ ପାଣ୍ଡେ, ଜଳେଶ୍ୱରର ଇଫତେଖାର ତୁଲା, ଜଟଣୀ ତିରମାଲର ରଞ୍ଜନ ଭୁଜବଳ ବୋଲି ସୂଚନା ମିଳିଛି। ଏନେଇ ମଙ୍ଗଳବାର ବାସେଳୀ ସାହି ଥାନାରେ ପୁରୀ ଏସପି କନୱର ବିଶାଳ ସିଂ ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି।
