ନୂଆଦିଲ୍ଲୀ : ବିଳମ୍ବରେ ଉଡାଣ ଭରିବା ଏୟାର ଇଣ୍ଡିଆକୁ ମହଙ୍ଗା ପଡିଛି । ଏବେ ୨ ଲକ୍ଷ ଟଙ୍କା ଯାତ୍ରୀଙ୍କୁ ଦେବ କ୍ଷତିପୂରଣ। ରାଷ୍ଟ୍ରୀୟ ଉପଭୋକ୍ତା ବିବାଦ ନିବାରଣ ଆୟୋଗ ସେହି ଯାତ୍ରୀମାନଙ୍କୁ ୨ ଲକ୍ଷ ଟଙ୍କା କ୍ଷତିପୂରଣ ଦେବାକୁ ଆଦେଶ ଦେଇଛି । ସୂଚନା ମୁତାବକ, ୨୦୦୩ ଡିସେମ୍ବର ୧୩ ତାରିଖରେ ଏନସିଡିଆସି ପାଖରେ ଚାରିଜଣ ଲୋକ ଏୟାର ଇଣ୍ଡିଆର ତିରୁଅନନ୍ତପୁରମରୁ ଚେନ୍ନାଇ, ଚେନ୍ନାଇରୁ କୋଲକତା ପରେ କୋଲକତାରୁ ଦିବ୍ରୁଗଡ ଯିବାକୁ ଚାରିଟି ଅଲଗା ଅଲଗା ଟିକେଟ କିଣିଥିଲେ । ତିରୁଅନନ୍ତପୁରମ-ଚେନ୍ନାଇ ଉଡାଣରେ ବିଳମ୍ବ ହୋଇଥିଲା, ଯେଉଁଥିପାଇଁ ଚେନ୍ନାଇରୁ କୋଲକତା ଏବଂ କୋଲକତାରୁ ଦିବ୍ରୁଗଡ ବିମାନ ମିସ୍ ହୋଇଯାଇଥିଲା । ସେହିପରି ବେଙ୍ଗାଲୁରୁରୁ କୋଲକତା ପାଇଁ ସକାଳ ୬ଟାରେ ବିମାନ ଉଡାଣ ଭରିବାର ଥିଲା କିନ୍ତୁ ଅଧରାତିରେ ଏହା ପାଇଁ ବିକଳ୍ପ ବ୍ୟବସ୍ଥା କରାଯାଇଥିଲା । ଏହି ସମୟରେ ଏୟାରଲାଇନ୍ସରେ ଯେଉଁ ଖାଦ୍ୟ ଦିଆଯାଇଥିଲା, ତାହା ମଧ୍ୟ ଖରାପ କ୍ୱାଲିଟିର ରହିଥିଲା । ଏହା ପରେ ବ୍ୟକ୍ତି ଜଣକ ଜିଲ୍ଲା ଫୋରମରେ ଏୟାରଲାଇନ୍ସ ବିପକ୍ଷରେ ଅଭିଯୋଗ ଦାଏର କରିଥିଲେ । ୨୦୦୩ରେ ଏହି ଘଟଣା ଘଟିଥିଲା ।
