ଜଗତସିଂହପୁର : ଜଗତସିଂହପୁର ଜିଲ୍ଲା ତିର୍ତୋଲ ଥାନା ସଦର ଗୋପାଳପୁର ପଞ୍ଚାୟତ ପୁଟିଙ୍ଗ ଗ୍ରାମର ପୁଟିଙ୍ଗ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଏକ ଅଭାବନୀୟ ଘଟଣା ।ବିଦ୍ୟାଳୟର ପ୍ରାଣ ପ୍ରତିଷ୍ଠାତା ସ୍ବର୍ଗତ ସ୍ବାଧୀନତା ସଂଗ୍ରାମୀ ଗୋପାଳ ଚରଣ ବିଶ୍ୱାଳଙ୍କ ପ୍ରତିମୂର୍ତ୍ତି ସ୍ଥାପନ ପାଇଁ ସ୍କୁଲ କମିଟି ଓ ସ୍ଥାନୀୟ ଗ୍ରାମବାସୀଙ୍କ ମିଳିତ ଉଦ୍ୟମରେ ବିଦ୍ୟାଳୟ ପରିସରରେ ପିଣ୍ଡି ତିଆରି କରି ସ୍ବର୍ଗତ ସ୍ବାଧୀନତା ସଂଗ୍ରାମୀଙ୍କ ପ୍ରତିମୂର୍ତ୍ତି ସ୍ଥାପନ କରାଯାଇଥିବା ବେଳେ କେହି ଦୃବୁର୍ତ୍ତ ନିର୍ଜନ ରାତିରେ ପ୍ରତିମୂର୍ତ୍ତି ଅପହରଣ କରି ନେଇଛି ।ସକାଳୁ ଗ୍ରାମବାସୀ ଏଭଳି ଦୃଶ୍ୟକୁ ଦେଖିବା ପରେ ସ୍କୁଲ କମିଟିକୁ ଜଣାଇଥିଲେ ।ବିଦ୍ୟାଳୟର ଶିକ୍ଷକ ଓ ସ୍କୁଲ କମିଟିର ସଭାପତି ଉପ ସଭାପତି ଓ କିଛି ଗ୍ରାମବାସୀ ମିଳିତ ହୋଇ ସ୍ଥାନୀୟ କନକପୁର ଫାଣ୍ଡିରେ ଜଣାଇବା ସହିତ ଏକ ଲିଖିତ ଅଭିଯୋଗ ପରେ ତୁରନ୍ତ ଘଟଣା ସ୍ଥଳରେ ଫାଣ୍ଡି କର୍ମଚାରୀ ପହଞ୍ଚି ଖୋଳତାଡ଼ କରିଥିଲେ ।ଖୋଳତାଡ଼ କରିବା ସମୟରେ ନିକଟରେ ଥିବା ଏକ ଜଳାଶ୍ରୟ ପରିଷରରୁ ପ୍ରତିମୂର୍ତ୍ତିଟି ଉଧାର କରାଯାଇଥିଲା । ତେବେ ପୋଲିସ ତଦନ୍ତ କରି ଅଭିଯୁକ୍ତକୁ ଧରି ଦଣ୍ଡ ଦେବାପାଇଁ ଗ୍ରାମବାସୀ ମାନେ ଦାବି କରଛନ୍ତି ।
