ବିଜୟ ପାଇଁ ପୂଜାର୍ଚ୍ଚନା, ହନୁମାନ ମନ୍ଦିରରେ ପ୍ରିୟଙ୍କା ଗାନ୍ଧିଙ୍କ ପୂଜା

ନୂଆଦିଲ୍ଲୀ : କର୍ଣ୍ଣାଟକରେ ଭୋଟ୍ ଗଣନା ଆଜି ସକାଳୁ ଚାଲୁ ରହିଛି । ଏହାମଧ୍ୟରେ କଂଗ୍ରେସର ମହାସଚିବ ପ୍ରିୟଙ୍କାଗାନ୍ଧି ଶିମଲା ସ୍ଥିତ ପ୍ରସିଦ୍ଧ ଜାଖୁ ହନୁମାନ ମନ୍ଦିରରେ ପୂଜାର୍ଚ୍ଚନା କରୁଛନ୍ତି । ପାର୍ଟି ପକ୍ଷରୁ ପ୍ରିୟଙ୍କା ମନ୍ଦିର ରେ ପୂଜାର୍ଚ୍ଚନା କରିବା ଭିଡିଓ ସେୟାର କରାଯାଇଛି । ପ୍ରିୟଙ୍କା ସେଠାରେ ଦେଶର ଏବଂ କର୍ଣ୍ଣାଟକର ସୁଖସମୃଦ୍ଧି ପାଇଁ ପ୍ରାର୍ଥନା କରିଛନ୍ତି ।ସେହିପରି କର୍ଣ୍ଣାଟକ ମୁଖ୍ୟମନ୍ତ୍ରୀ ବସବରାଜ ବୋମ୍ମାଇ ମଧ୍ୟ ହୁବାଲ୍ଲୀସ୍ଥିତ ହନୁମାନ ମନ୍ଦିର ଦର୍ଶନ କରିଛନ୍ତି। ଏହାପୂର୍ବରୁ କଂଗ୍ରେସ ରାହୁଲ ଗାନ୍ଧିଙ୍କ ଏକ ଭିଡିଓ ସେୟାର କରିଥିଲା। ଭିଡିଓ ସେୟାର କରି କଂଗ୍ରେସ କ୍ୟାପସନ ଦେଇ ଲେଖିଥିଲା, ମୁଁ ଅଜୟ, ମୋର ବହୁତ ଭରସା ରହିଛି, ହଁ ମୁଁ ଆଜି ଅଜୟ ।